thumb|200px|L'arrecife de coral ye un ecosistema a on que viven muitos sers vivos. Un organismo, tamién dito ser vivo, ye un conchunto d'atomos y moleculas que forma una estructura material muit organizata y complexa, en a cual intervienen sistemas de comunicación molecular, que se relaciona con o medio ambient con un intercambio de materia y enerchía d'una forma ordenata y que exerce as funcions basicas d'a vida que son a nutrición, a relación y a reproducción, de tal manera que os organismos actúan y funcionan por éls mesmos sin perder o suyo livel estructural.
A materia que forma os organismos ye composata en un 95% por cuatre atomos que son o carbonio, hidrocheno, oxicheno y nitrocheno, a partir d'os cuals se forman as moleculas: Moleculas organicas u biomoleculas: acidos nucleicos, as proteínas, os glucidos y os lipidos. Moleculas inorganicas: augua, sals minerals y gases.
Istas moleculas se repiten constantment aintro d'os sers vivos, por o que l'orichen d'a vida procede d'un antecesor común fa muitos millons d'anyos sobre a Tierra.
Toz os organismos son constituitos por celulas. En l'interior d'istos se realizan as secuencias de reaccions quimicas necesarias ta la vida.
Clasificacion d'os organismos
Cytota (sers celulars). Prokaryota. Archaea (arqueas). Bacteria (bacterias). Eukaryota. Animalia (animals). Plantae (plantas). Fungi (fongos). Protista (protozoos, algas y bella floridura). Acytota (seres no celulars). Prion (priones). Akamara. Euviria (virus, viroides). Viroida (virus satélites, virusoides, virofagos, plasmidos y transposons).
Referencias
Categoría:Biolochía