Maria Schell (nombre artistico de Maria Margarethe Anna Schell), naixida de Viena (Austria) o 15 de chinero de 1926 y muerta en Preitenegg (Carintia, Austria) o 26 d'abril de 2005, estió una actriz y productora cinematografica austriaca, una d'as mas conoixidas actrices d'o suyo país, que dembolicó la mayor parte d'a suya carrera cinematografica en o cine alemán (encara que con actuacions en o cine europeu u mesmo en o cine estausunidense).
Recibió cuantos premios por os suyos treballos, destacando-ie entre as cintas en as cuals i treballó The Heart of the Matter (1953, George More O'Ferrall), Le Notti Bianche (1957, Luchino Visconti), The Brothers Karamazov (1958, Richard Brooks) u Cimarron (1960, Anthony Mann), compartindo papels protagonistas con destacaus actors como Yul Brynner, Marcello Mastroianni, Suzy Delair, Gary Cooper, Marlon Brando u Glenn Ford.
Ye chermana con o director Maximilian Schell y prima con l'actriz Catherine Schell.
Se veiga tamién Cintas interpretadas por Maria Schell.
Vinclos externos
Maria Schell en Internet Movie Database.
Categoría:Actrices d'Austria Categoría:Muertos en Carintia Categoría:Naixius de Viena Categoría:Productors cinematograficos d'Austria Categoría:1926 (naixencias) Categoría:2005 (muertes)