Chil, o torrero de Ham (en anglés Farmer Giles of Ham) ye una noveleta de J.R.R. Tolkien que fue escrita en 1937 y publicata en 1949. A historia recenta as trobadas entre o torrero Chil y un estuto dragón dito Chrysophylax, y como Chil s'atrapacia ta gosar, dende os suyos humildes oríchens, rivalizar con o rei d'o suyo país.
Ye una obra anacronica y alegre, que tien lugar fa muitos anyos en una Gran Bretanya de fantasía, con criaturas mitolochicas, caballers medievals y armas de fuego primitivas. Ye relacionata nomás tanchencialment con as obras de l'autor sobre a Tierra Meya, ya que en os dos casos se tracta d'ensayos sobre "mitolochía anglesa".
As ilustracions orichinals son obra de Pauline Baynes. A historia ha apareixito chunto con atras obras de Tolkien en edicions conchuntas, incluyindo The Tolkien Reader y Tales from the Perilous Realm.
A edición aragonesa ye publicata por Gara d'Edizions y traducita por Chusé Aragüés.
Vinclos externos Homenache a Tolkien. Gara d'Edizions
Categoría:Libros en anglés Categoría:Obras traducidas ta l'aragonés Categoría:Libros de 1937