O diminutivo ye un sufixo que matiza o significato d'una palabra d'una traza que a palabra derivata prene un significato de menor mida u de menor importancia. Por expresar una mida menor os diminutivos tamién fer-se servir en o lenguache infantil u adrezato a ninos y expresar aprecio u familiaridat. Por expresar una importancia menor os diminutivos pueden tamién fer-se servir pa ofender.
Os diminutivos en aragonés
En aragonés o diminutivo mes usato ye -et, -eta, -etc, -etas, que substituyó a los diminutivos latinos -ICULUM y --ELLUM que pervivioron en l'actual diminitivo -iello y en as palabras lexicalizatas rematatas en -illo/-ello (conello, abella, ovella, perello, varello, corbella), etc...
O diminutivo -ico, -ica, -icos, -icas que se fa servir en o castellano d'Aragón y Navarra y muitos puestos d'o centro-este d'Espanya no ye caracteristico ni chenuino de l'aragonés, y erroniament lo consideran tipico de l'aragonés en obras superficials dedicatas a las luengas d'Espanya on tienen una conoixencia superficial de l'aragonés u lo confunden con o castellano d'Aragón. En realidat ye propio d'o Castellano medieval o suyo uso s'estendilló en Aragón sobre tot dende o sieglo XV, un poco enantes l'aragonés deixase d'estar una luenga escrita.
Referencias
Bibliografía Francho Nagore Laín Gramática de la Lengua Aragonesa. Zaragoza. Mira Editores. 1989 Diego Catalán, Alvaro Galmés de Fuentes Las lenguas circunvecinas del castellano, cuestiones de dialectología hispano-románica. Paraninfo. Anchel Conte et al. "El aragonés identidad y problemática de una lengua". Colección Aragón. Librería general. Chabier Tomás Arias. El aragonés del "biello Sobrarbe. Instituto de Estudios Altoaragoneses, 1999. Javier Terrado Pablo "La lengua de Teruel a fines de la edad media". Instituto de Estudios Turolenses, 1991.
*