El collau de la Foradada u puerto de la Foradada BOA ORDEN VMV/914/2020, de 14 de septiembre, por la que se publica el Acuerdo adoptado por el Gobierno de Aragón, en su reunión celebrada el día 15 de julio de 2020, por el que se aprueban las modificaciones del Nomenclátor Geográfico de Aragón. ye un puerto de montanya d'Aragón que se troba fend la muga d'entre las comarcas de Ribagorza po'l costau oriental y el Sobrarbe per l'occidental, todas dos en la provincia de Uesca.
Cheografía
Fa 1020 metros d'altaria, y se troba d'el tot comprendiu en el municipio ribagorzano de la Foradada d'el Toscar, por bien que po'l costau sobrarbenco tamé fa parte d'este municipio los llugars de la Cort y las Corz, administrativament parland, y por tanto son de Ribagorza, anque se troban en la baixant que mira ta la Fueva y fisicament serían adintro de la dita subcomarca sobrarbenca.
Po'l norte, el limita la punta Ferrera (1827 m) que ye de la serra Ferrera, y po'l sud, l'altura d'el Campanué (1548 m) que ye de la serra de Santa Llestra. Po'l puerto, s'arriba a'l punto mas alto a pocos metros d'el llugar de la Foradada, que por poco se troba ya en la baixant que se'n va ya cara ta l'Esera.
Comunicacions
Actualment, el recorre la carretera nacional N-260 en el suyo segmento d'entre l'Aínsa y Campo. La puyada pe'l costau de Sobrarbe comienza en Sant Per d'el Toledo de la Nata y se prellonga mas de 4 kilometros. Pe'l costau ribagorzano, la baixada ye mas curta, pero con mas deslivel, y de los mil vente metros se pasa a's seicientos y pocos que i ha en Campo en menos de 4 km, lo que fa un deslivel alredor d'el 10%.
Se veiga tamién Sierra d'el Campanué La Fueva Sierra Ferrera
Referencias
Vinclos externos
Foradada Foradada