Iste articlo tracta sobre o castiello de Tou. Ta altros usos d'o toponimo «Tou» se veiga Tou (desambigación).
O castiello de Tou ye un castiello aragonés en o termin municipal de l'Aínsa-Sobrarbe, en a comarca de Sobrarbe y a provincia de Uesca.
En l'actualidat se troba en estau d'enrunas, y fa parte de l'aria arqueolochica (declarada Bien d'Intrés Cultural «Castillo de Tou» en CastillosdeAragon.es; consultada o 30 d'abril de 2011. «Bienes de Interés Cultural» en o portal de turismo de Sobrarbe; consultada o 30 d'abril de 2011.) que ye lo despoblau de Tou.
Ubicación O castiello de Tou propiament dito se troba en l'estremo norte d'o conchunto arqueolochico de Tou, aledanyo a lo recinto fortificau que constituiba lo lugar. Coincide con o punto mas elevau de o tozal dito Penya Cotón, en estando la resta d'as enrunas que forman Tou en a baixant.
L'estau actual d'o despoblau enter, feito enrunas y que, sacando-ne la torre d'a ilesia, tot ye buscas y estorrocos por d'entre a vechetación, fa que sía prou dificil poder-ne distinguir a on remata o castiello y a on comienza las enrunas de lugar.
Manimenos, se i puede trobar un fragmento de la muralla que rodeyaba la población que s'ha conservau (parcialment) dreta, bels 3 metros de lienzo, en o sector nord-ueste, que ye por a on o recinto habitau s'achuntaba con o castiello. Bellas trazas en a corona d'o tozal tamién fan pensar en a base poligonal de bella torre que habría puesto perteneixer a lo castiello y permite situar-lo en ixe punto, atamas de tot, con cualque seguridat.
Referencias
Categoría:Castiellos de Sobrarbe Categoría:Castiellos d'a provincia de Uesca Categoría:Castiellos romanicos d'Aragón Categoría:Arquitectura romanica en Aragón Categoría:Molimentos de Tou