Vicente Escrivá Soriano, naixiu de Valencia (País Valenciano) l'1 de chunio de 1913 y muerto en Madrit o 18 d'abril de 1999, estió un director cinematografico, guionista y productor cinematografico espanyol, activo en o cine espanyol dende zaguerías d'os anyos 1940.
Inició la suya carrera en escrebindo guions de tematica relichiosa, a lo gusto d'o nacional-catolicismo que en ixe inte dominaba en Espanya, pero mientres a suya carrera estió autor de cuantas cintas y guions con a-saber-lo d'exito. Tamién treballó ta la televisión, estando lo responsable de series prou conoixidas como Réquiem por Granada (1991), Lleno, por favor (1993-1994) u Manos a la obra (1998-1999).
En a suya filmografía, se puet destacar bellas cintas como Agustina de Aragón (1950, Juan de Orduña, con Aurora Bautista y Fernando Rey), Balarrasa (1951, José Antonio Nieves Conde, con Fernando Fernán Gómez, María Rosa Salgado, Dina Sten y Luis Prendes), El Tigre de Chamberí (1957, Pedro Luis Ramírez, con José Luis Ozores y Tony Leblanc), Margarita se llama mi amor (1961, Ramón Fernández, con Mercedes Alonso, Antonio Cifariello, Manuel Zarzo y Ángel del Pozo), Sor ye-yé (1967, Ramón Fernández, con Hilda Aguirre, Manuel Gil y Enrique Guzmán), Cateto a babor (1970, Ramón Fernández, con Alfredo Landa, José Gálvez, Florinda Chico, Enriqueta Carballeira, José Sacristán, Ahui Camacho, Margot Cottens, Laly Soldevila y Rafaela Aparicio), u Una abuelita de antes de la guerra (1975, Vicente Escrivá, con Isabel Garcés, Alberto de Mendoza, Helga Liné).
Se veiga tamién Cintas con guión de Vicente Escrivá.
Vinclos externos Vicente Escrivá en Internet Movie Database.
Categoría:Directors cinematograficos d'o País Valenciano Categoría:Guionistas d'o País Valenciano Categoría:Muertos en Madrit Categoría:Naixius de Valencia Categoría:Productors cinematograficos d'o País Valenciano Categoría:1913 (naixencias) Categoría:1999 (muertes)