Astí queda ixo! ye una ronda que arrocla chent de Gúdar-Chabalambre y d'a Comunidat de Teruel.
Historia Astí queda ixo! naixe en a nueit de Sant Chuan de l'anyo 2000, dimpués de que parti d'os actuals components cantasen en a "Rondalla d'os Quintos" por as carreras de Mora de Rubielos. En rematar a ronda, de maitinada, paroron cuenta que bi'n heban chóvens d'os lugars d'a redolada (Sierra de Gúdar) que les cuacaba a musica folk. Dende ixe inte empecipió o prochecto ta fer una "Rondalla Comarcal" que huei ye Astí queda ixo (d'o dito popular "¡Ahí queda eso!" que se'n diz a os cantadors en rematar as ixotas a modo de felicitación).
Istos musicos proceden d'os vicos, lugars y municipios de Los Pertegaces, Olba, Rubiuelos, Cedriellas, La Estrella, Mora y Teruel. Interpretan musica tradicional aragonesa, asinas como d'atros grupos d'Aragón, y composicions propias. Son estaus en muitos lugars d'a provincia de Teruel, como tamién de Zaragoza, Uesca, Castellón, Valencia, Barcelona, Leida, Tarragona, Chirona, Albacet, Madrit, Cuenca, Segovia, Valladolit, Murcia, La Rioja u Navarra.
Han publicato dos treballos: Que aprobeche! y Lo que hay que oir!. Y tamién l'han dedicato una canción a o Poborina Folk de Lo Pobo.
En 2007 representoron a o Reino d'Espanya en o Festival Internacional de Folklore de Praga (Republica checa).
Remontar as musicas tradicionals de Teruel y composar nuevos temas que espardan as qualidatz y as necesidatz d'a suya quiesta tierra, son dos d'os prochectos que en deseyan fer en un primer puesto. Por ixo, tan y mientres i tiengan o refirme d'a chent, continarán treballando y composando cancions.
Components Álvaro Salvador (voz, guitarrico, bandurria) Fernando Cortel (voz, guitarra, gaita de boto, guitarro) Mario Cruceta (laút) Antón Báguena (acordión cromatico, donzaina) Cristina Redón (guitarra) Fina Zafón (percusión) Manolo Izquierdo (voz, bandurria, vriolín, percusión) Barry Barnad (donzaina, acordión cromatico, guitarra) Javier Brun "Cebollo" (baixo acustico, donzaina) Fernando Diéguez (acordión cromatico) Dani Gimeno (bandurria) Ángel Gil (percusions)
Discografía Que aprobeche! (2007) Lo que hay que oir! (2009)
Participacions Encuentro de rondas 2007 (2008) Encuentro de rondas 2008 (2009)
Vinclos externos Pachina web d'Astí queda ixo! Blog d'Astí queda ixo! MP3 d'a canción dedicata a o Poborina Folk Vidio d'Astí queda ixo! en o Poborina Folk d'o 2007 Vidio d'Astí queda ixo! con a ixota de Santa Ana en Linares de Mora Astí queda ixo! en Allepuz Vidio d'Astí queda ixo! en Andorra
Categoría:Grupos de musica folk Categoría:Grupos de musica d'Aragón