A bandurria u mandurria/ Juan Moneva y Puyol: Vocabulario de Aragón. Edición y estudio de José Luis Aliaga, Xordica Editorial, , 2004, p.310 ye un instrumento musical d'a familia d'a cuerda pulsata. Se emplega en tota Espanya ta tanyer musica folklorica; especialment en Aragón la fan servir as rondallas que tanyen cualsiquier traza de musica folklorica aragonesa y no nomás ta tanyer ixota aragonesa como a ormino se piensa. Aintro d'una rondalla, la bandurria ye qui fa as melodías prencipals d'a canción, mientres que a guitarra fa l'acompanyamiento y o laút (parexiu a la bandurria) s'emplega ta fer armonías intermedias.
A bandurria ye de forma redonda y con un mástel chico. Respective d'o suyo tamanyo, ye un instrumento chicotón, estando-ne fácil de levar y d'emparar. Tien doce cuerdas de metal que normalment s'afinan de dos en dos d'a traza siguient, prencipiando por as dos cuerdas mas agudas y rematando en as dos mas graves: La, Mi, Si, Fa#, Do# y Sol#. Bellas vegatas as dos zagueras cuerdas se baixan un semitono deixando-ne en a nota Sol natural, isto se fa ta que puedan fer-se servir ta la bandurria as piezas musicals d'a mandolina.
Afinación A bandurria s'afina normalment d'a traza siguient: La, La, Mi, Mi, Si, Si, Fa#, Fa#, Do#, Do#, Sol#, Sol#.
Isto puet veyer-se representato bellas vegadas en notación anglesa, d'a traza siguient: A, A, E, E, B, B, F#, F#, C#, C#, G#, G#
Bi-ha vegadas que bello musico baixa un semitono l'afinación d'as dos zagueras cuerdas ta ubrir o repertorio, deixando as cuerdas mas graves en a nota Sol natural y fendo servir asinas o repertorio d'a mandolina ta la bandurria. Isto deixaría a bandurria afinata asinas: La, La, Mi, Mi, Si, Si, Fa#, Fa#, Do#, Do#, Sol, Sol
u en notación anglesa: A, A, E, E, B, B, F#, F#, C#, C#, G, G
Se veiga tamién Guitarra. Laút. Mandolina. Rondalla.
Referencias
Vinclos externos
Categoría:Instrumentos de cuerda