George Peter Norman naixiu de Coburgo, Victoria (Australia) o 15 de chunio de 1942 y muerto en Melbourne o 3 d'octubre de 2006, estió un atleta australiano conoixito por a medalla d'archent ganata en os 200 metros d'os Chuegos Olimpicos de Mexico de 1968. A marca feita en ista cursa récord australiano de 200 m. lisos dica l'anyo 2004 cuan lo superó Gout Gout con una marca de 20"04 . Estió cinco vegadas campión d'Australia d'ista preba.
Tamién ye conoixiu, mes difuera d'o suyo país, por a suya muestra d'apoyo ta John Carlos y Tommie Smith contra a segregación racial en os Estaus Unius, en a ceremonia d'entrega de medallas en a preba de 200 m. lisos en Mexico 1968, ponendo-se en o peito una pegatina d'o Prochecto Olimpico ta os Dreitos Humans (OPHR d'as suyas siglas en anglés).Revista El Atletismo Español, nº508, RFEA. Iste apoyo contra a segregación racial y a suya oposición ta a politica de discriminación ta os dreitos fundamentals y economicos d'os aboríchens australianos fació que en o suyo pais fuese estigmatizau y no fació parti de l'equipo olimpico australiano en os Chuegos Olimpicos de 1972 anque teneba sobrebuenas marcas pa ir.
En l'anyo 2012 o parlamento australiano fació una disculpa postuma por o tracto recibiu en tornar a Australia dimpués d'os Chuegos Olimpicos de Mexico 1968 por o suyo apoyo ta as reivindicacions contra a segregación racial que facioron atletas de raza negra en os Chuegos de 1968, pero sin de reconocer que no li portoron a os Chuegos Olimpicos de 1972 por ixo.
Referencias
Vinclos externos Video en Youtube d'a cursa final d'os 200 metros lisos en os Chuegos Olimpicos de 1968.
<center>
<center>
Categoría:Atletas d'Australia en os Chuegos Olimpicos de 1968 Categoría:Medallistas olimpicos d'Australia Categoría:Medalla d'archent en os Chuegos Olimpicos Categoría:Muertos en Melbourne Categoría:Naixius de Victoria (Australia) Categoría:Velocistas d'Australia Categoría:1942 (naixencias) Categoría:2006 (muertes)