Carles Puidemont i Casamajó (karɫəs pudʒðəˈmon i kazəmə'ʒo), naixiu d'Amer (Selva) o 29 de noviembre de 1962, ye un periodista, politico y activista politico catalán que estió alcalde de Chirona, y President de l'Associació de Municipis per la Independència, a mas de deputau en o Parlamento de Catalunya dende o 2006 dica o 2017 y President d'a Cheneralidat de Catalunya dende o 10 de chinero de 2016 dica o 27 d'octubre de 2017 cuan o Gubierno d'Espanya lo destituye con l'aplicación de l'articlo 155 d'a Constitución Espanyola, as suyas funcions las fació Soraya Sáenz de Santamaría dica o 17 de mayo de 2018, que o Gubierno d'a Cheneralidat esliye a Joaquim Torra i Pla, conoixiu simplament como Quim Torra.
Mientres o suyo mandau como president d'a Cheneralidat s'empentó a celebración d'un referéndum d'independencia de Catalunya l'1 d'octubre de 2017 y s'efectuó una pretendida declaración unilateral d'independencia d'o territorio lo día 27 d'o mesmo mes. Asinas, estió cesau en o cargo lo 28 d'octubre de 2017, a l'amparo d'a Orden PRA/1034/2017, de 27 d'octubre, en aplicación de l'articlo 155 d'a Constitución espanyola de 1978. Estió meso alavez en busca y captura en territorio espanyol acusau de presuntos delitos de rebelión, sedición y malversación de caudales publicos per actos que se le imputan en a organización d'o referéndum y la declaración unilateral d'independencia.
O 30 d'octubre de 2017 Puigdemont marchó ta Bruselas de conchunta con cuatro consellers d'o suyo gubierno, Clara Ponsatí, Antoni Comín, Lucise Puig y Meritxell Serret. Una vegada instalau en Belchica, concorrió como candidato a las eleccions a lo Parlamento Europeu de 2019 en Espanya y resultó triau eurodeputau. Una resolución d'o Tribunal de Chusticia d'a Unión Europea relativa a la situación procesal d'Oriol Junqueras propició que se podese tramitar la suya acta de parlamentario en chinero de 2020.
Vinclos externos
Pachina web personal. Carles Puigdemont en a pachina web d'o Parlament de Catalunya.
Categoría:Alcaldes de Chirona Categoría:Alcaldes de Convergència i Unió Categoría:Deputaus d'a VII Lechislatura d'o Parlamento de Catalunya Categoría:Deputaus d'a IX Lechislatura d'o Parlamento de Catalunya Categoría:Deputaus d'a X Lechislatura d'o Parlamento de Catalunya Categoría:Deputaus d'a XI Lechislatura d'o Parlamento de Catalunya Categoría:Deputaus d'a XII Lechislatura d'o Parlamento de Catalunya Categoría:Liberals de Catalunya Categoría:Naixius d'Amer Categoría:Periodistas de Catalunya Categoría:Politicos de Catalunya Categoría:Politicos de Convergència i Unió Categoría:Politicos de Junts per Catalunya Categoría:Presidents d'a Cheneralidat de Catalunya Categoría:1962 (naixencias)