Francis Field ye un estadio estausunidense situau en a ciudat de Saint Louis en Missouri que fue construyiu en l'anyo 1903 ta los actos d'a Exposición Universal de Saint Louis 1904, y que tamién estió lo puesto a on se i facioron beluns d'os escaicimientos esportivos d'os Chuegos Olimpicos de Saint Louis 1904.
Mientres os Chuegos Olimpicos fue utilizau como estadio prencipal y estió la seu d'a cerimonia inaugural y de prebas d'atletismo, ciclismo, soga tira, fútbol, chimnasia, halterofilia, lacrosse, luita, roque, tiro con arco y bel partiu de tenis. Spaldings Official Athletic Almanac.
Dimpués d'os Chuegos y dica l'actualidat ha estau la seu a on chugan como equipo local os Bears. En l'actualidat fa parti d'as instalacions esportivas d'a Universitat Washington de Saint Louis, y se i fan competicions d'atletismo, campo a traviés, fútbol americano y fútbol.
Prenió lo suyo nombre por David Rowland Francis, un alcalde de Saint Louis y gubernador d'o estau de Missouri en ixas envueltas. En primeras teneba un aforo de 19.000 personas, pero con as modificacions feitas en l'anyo 1984 baixoron l'aforo ta 4.000.
250px|thumb|Dentrada de Francis Field en l'actualidat.
Referencias
Categoría:Chuegos Olimpicos de Saint Louis 1904 Categoría:Estadios d'atletismo Categoría:Estadios de ciclismo Categoría:Estadios d'Estaus Unius Categoría:Estadios Olimpicos Categoría:Instalacions esportivas d'os Chuegos Olimpicos de Saint Louis 1904