O present d'indicativo en francés indica accions presents, pero tamién accions pasadas y futuras dreitament dreitament relacionadas. Prene terminacions diferents en a tercera persona singular dependendo d'a conchugación y grupo verbal. A primera conchugación presenta e, a segunda t, y en o grupos d'a tercera conchugación bi n'ha que tienen e (je cueille), que tienen t (il vient) u que no en tienen (il prend). Patrick Guédon, Sylvie Poisson-Quinton: La grammaire du français. Editions Maison des Langues, 2016. pp 34-35.
Primera conchugación A primera conchugación u conchugación en -er deriva d'a conchugación latina en -ARE y tiene o verbo chanter como un d'os suyos modelos regulars:
persona 1ª Conchugación 1ª Sing. Chante 2ª Sing. Chantes 3ª Sing. Chante 1ª Plur. Chantons 2ª Plur. Chantez 3ª Plur. Chantent
A primera conchugación presenta pocos verbos irregulars. As irregularidaz ortograficas afectan a los verbos acabaus en -cer, -ger, -yer, -eler, -eter, os que tienen una e sin accento u con accento (-é-) antes d'a zaguera consonant d'o suyo radical, y os que tienen una -é- en a zaguera parola d'o suyo radical. Gramática francesa. Larousse Editorial, S.A, 2014., pp 89-96.
Os verbos acabaus en -ger presentan a secuencia ortografica -geons en a primera persona plural (mangeons). Bel verbo d'este grupo corresponde a os verbos en -iar no frecuentativos en aragonés (changer), belatros corresponden a verbos acabaus en nyar/niar (songer), -gar (juger, bouger, ronger), y a verbos con uns atros oríchens (mélanger, partager, ranger, rédiger, vendanger).
persona 1ª Conchugación 1ª Sing. Mange 2ª Sing. Manges 3ª Sing. Mange 1ª Plur. Mangeons 2ª Plur. Mangez 3ª Plur. Mangent
Os verbos acabaus en -cer presentan una secuencia -ça, -ço con bella desinencia con as vocals a y o:
persona 1ª Conchugación 1ª Sing. Commence 2ª Sing. Commences 3ª Sing. Commence 1ª Plur. Commençons 2ª Plur. Commencez 3ª Plur. Commencent
Os verbos acabaus en -uyer y -oyer cambian a -y- por una -i- en cualques personas. A mes gran part d'os verbos en -oyer tienen esta terminación como francés y equivalen a los verbos frecuentativos en -iar de l'aragonés, de fueras de verbos como employer, (emplegar en aragonés, derivau de IMPLICARE). Tampoco en ye o caso d'o verbo envoyer < *INVIARE, que tiene un diftongo -oi- derivau d'a Ĭ latina (VIA > voie), y presenta irregularidaz mes grans en atros tiempos.
persona 1ª Conchugación 1ª Sing. Emploie 2ª Sing. Emploies 3ª Sing. Emploie 1ª Plur. Employons 2ª Plur. Employez 3ª Plur. Emploient
Os verbos acabaus en -ayer tienen un present a on que ye opcional escribir -i- y -y- en cualques personas. Son verbos que en aragonés acaban en -gar (payer) u en -yar (essayer):
persona 1ª Conchugación 1ª Sing. Paie / paye 2ª Sing. Paies / payes 3ª Sing. Paie / paye 1ª Plur. Payons 2ª Plur. Payez 3ª Plur. Paient / payent
Os verbos que tienen una -é- antes d'a zaguera consonant d'o radical son verbos acabaus en -érer (espérer, libérer, etcetera), y uns cuantos verbos acabaus en éder (céder, posséder, etcetera), y -éter (répéter, compléter, etcetera). A -é- esdeviene -è- antes de -e muda:
persona 1ª Conchugación 1ª Sing. Espère 2ª Sing. Espères 3ª Sing. Espère 1ª Plur. Espérons 2ª Plur. Espérez 3ª Plur. Espèrent
O mesmo esdeviene en os verbos que tienen una -e- sin accento grafico antes d'a zaguera consonant d'o radical. A -e- esdeviene -è- antes de -e muda y permaneixe igual en as personas plurals primera y segunda:
persona 1ª Conchugación 1ª Sing. Lève 2ª Sing. Lèves 3ª Sing. Lève 1ª Plur. Levons 2ª Plur. Levez 3ª Plur. Lèvent
Bi ha dos modelos de verbos remataus en -eler. Os verbos que tienen esta terminacion como sufixo verbal y os verbos celer, ciseler, congeler, déceler, démanteler, écarteler, modeler y peler no doblan a -l- debant d'una silaba que contienga una e muda, y cambian a -e- muda d'a penultima silaba d'o infinitivo por una -è- ubierta. Gramática francesa. Larousse Editorial, S.A, 2000., pp 125-126. Os verbos que siguen o modelo dappeler son épeler y rappeler.
persona 1ª Conchugación 1ª Sing. Appelle 2ª Sing. Appelles 3ª Sing. Appelle 1ª Plur. Appelons 2ª Plur. Appelez 3ª Plur. Appellent
persona 1ª Conchugación 1ª Sing. Gèle 2ª Sing. Gèles 3ª Sing. Gèle 1ª Plur. Gelons 2ª Plur. Gelez 3ª Plur. Gèlent
Tamién bi ha dos modelos de verbos acabaus en -eter. Son verbos que doblan a consonant jeter (latín JACTARE), y étiqueter. Son verbos que no doblan a consonant: acheter, racheter, chocheter, fureter y haleter. Beluns d'estos zaguer presentan o sufixo verbal -eter. Naturalment no doblan a consonant os verbos compléter y inquiéter, que siguen o modelo de espérer.
persona 1ª Conchugación 1ª Sing. Jette 2ª Sing. Jettes 3ª Sing. Jette 1ª Plur. Jetons 2ª Plur. Jetez 3ª Plur. Jettent
persona 1ª Conchugación 1ª Sing. Achète 2ª Sing. Achètes 3ª Sing. Achète 1ª Plur. Achetons 2ª Plur. Achetez 3ª Plur. Achètent
persona 1ª Conchugación 1ª Sing. Complète 2ª Sing. Complètes 3ª Sing. Complète 1ª Plur. Complétons 2ª Plur. Complétez 3ª Plur. Complètent
Segunda conchugación En a segunda conchugación tampoco no bi ha guaires irregularidaz, pero presentan un incremento incoativo -ss- derivau d'a secuencia latina -SC-, que se considera que fa part d'o modelo regular d'esta conchugación. Este incremento incoativo ye desfuncionalizau Heinrich Lausberg: Lingüistica romanica. Tomo II morfología. Editorial Gredos. p 362, pp 366-367.:
persona 2ª Conchugación 1ª Sing. Finis 2ª Sing. Finis 3ª Sing. Finit 1ª Plur. Finissons 2ª Plur. Finissez 3ª Plur. Finissent
Emplego Os diferents emplegos d'o present d'indicativo en francés pueden estar: Indicar un inte present. Parlar d'un periodo present que cubre parcialment o pasau y o futuro. Explicar verdaz chenerals y fisicas. Indicar accions brieus u instantanias. Indicar una acción que se producirá en un futuro proximo. Indicar una acción que ha esdeveniu en un pasau recient. Parlar d'o pasau como si fuese una realidat viva en publicacions u representacions de feitos historicos. En oracions condicionals:Si tu viens' demain, je serai content ("Si viens manyana, me faré contento").
Referencias
Bibliografía Gramática francesa. Larousse Editorial, S.A, 2000. Jesús Cantera y Eugenio de Vicente: Gramática francesa. Editorial Cátedra, S.A., 1999. Jacky Girardet, Jean-Marie Cridlig: Panorama Plus 1 Méthode de français. Santillana-Clé International, 1996. Jacqueline Picoche y Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249. Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015. Patrick Guédon, Sylvie Poisson-Quinton: La grammaire du français. Editions Maison des Langues, 2016. Maïa Grégoire, Odile Thiévenaz: Grammaire progressive du français. Clé International, 2002.
Categoría:Tiempos verbals en francés