A voz pasiva en o francés se fa con o verbo auxiliar être seguiu d'o participio pasau y se servir pa dar importancia a l'obchecto directo de l'acción.<ref name=ECHOB1> Jacky Girardet, Jacques Pécheur: Écho, Méthode de Français - B1.1 2º édition, Clé International, 2014, p 12.</ref>
Formación A voz pasiva se fa con o verbo auxiliar être (forma "ser", d'o verbo "estar-ser") conchugau y seguiu d'o participio pasau, d'a preposicion par y d'o subchecto lochico (que esdeviene l'achent). O participio pasau d'a voz pasiva concuerda con o subchecto. Maïa Grégoire, Odile Thiévenaz: Grammaire progressive du français. Clé International, 2002. pp 194-195.
A preposición par introduce l'achent. S'ha de tener en cuenta que esta preposición no puede ir seguida d'un pronombre.
Si o subchecto de l'acción no ye activo se puede fer servir a preposición de en cuenta de par.
D'acuerdo con bella gramatica a preposición par no puede ir dezaga d'os verbos como aimer, connaître y respecter, que van seguius d'a preposición de como introductora de l'achent. Manimenos, atras gramaticas indican que en toz os casos a preposición de puede estar substituita por par en os achents. Patrick Guédon, Sylvie Poisson-Quinton: La grammaire du français. Editions Maison des Langues, 2016. pp 70-72.
O verbo aimer fa part d'un conchunto de verbos que expresan un sentimiento que incluye d'atros verbos a on que se fa servir a preposición de en os achents como apprécier, tolérer, détester y mépriser.Cette personne est aiméé de tous, connue de tous et respectée de tous.O verbo connaître fa part d'un conchunto de verbos que expresan conoixencia, saber u ignorancia:Ce livre est connu de tous.
Os verbos como accompagner, entourer, précéder y suivre se fan servir pa situar en o espacio u tiempo y pueden tener tamién achents con a preposición deLa réunion sera suivie d'un pot amical.
A voz pasiva tamién se puede fer con os verbos sembler, paraître, rester y demeurer seguius d'un participio pasau.
Manimenos, bi ha unas estructuras con o verbo être seguidas d'un participio pasau que no son pasivas. Si bi ha un verbo être seguiu d'un participio pasau que indica un estau u un resultau y a on que no bi ha un achent responsable se tracta d'un "falso pasivo" u faux passif. La maison est abandonnée. (falso pasivo).La maison a été abandonnée. (pasiva).
Bi ha verbos transitivos que no pueden posar-se en voz pasiva: avoir, posséder, valoir y coûter.
Os verbos transitivos mesurer, peser, durer, vivre, marcher y courir seguius por a cantidat d'a magnitut que expresan (durada, distancia, mida, peso), no pueden posar-se en voz pasiva.
Verbos pronominals con sentiu pasivo Bi ha construccions pronominals con o mesmo sentiu que a voz pasiva:Les fruits sont vendus cher cette année > Les fruits se vendent cher cette année.
Tamién bi ha construccions pronominals causativas con o verbo faire ("fer") que tienen un sentiu pasivo. Indican cuan belún ha feito una acción a favor u en contra d'un atro:Ils se sont fait construir une piscine.Il s'est fait voler son portable.Je me suis fait engueuler. Adchectivos que permiten expresar un sentiu pasivo Os adchectivos acabaus en os sufixos -able y -ible permiten expresar un sentiu pasivo, pueden ir seguius d'un achent, y mesmo substituir una oración pasiva.Cette réponse est compréhensible de la part d'étudiants.
Emplego O principal emplego ye resaltar l'obchecto d'o verbo en cuenta d'o subchecto.Molière a écrit l'Avare > L'Avare a été écrit par Molière.
A voz pasiva puede presentar l'acción cuan no se'n conoixe l'autor u cuan se quiere fer notar l'escaicimiento sin mencionar o subchecto de l'acción:Le président Kennedy a été assassiné.Ma valissé a été volée.Se fa servir muito a voz pasiva pa parlar de leis, de noticias, d'escaicimientos, d'invencions, etcetera:Cette loi a été votée. Referencias
Bibliografía Jesús Cantera y Eugenio de Vicente: Gramática francesa. Editorial Cátedra, S.A., 1999. Gramática francesa. Larousse Editorial, S.A, 2000. Gramática francesa. Larousse Editorial, S.A, 2014. Jacky Girardet, Jacques Pécheur: Écho, Méthode de Français - B1.1 2º édition, Clé International Maïa Grégoire, Odile Thiévenaz: Grammaire progressive du français. Clé International, 2002. Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015. Patrick Guédon, Sylvie Poisson-Quinton: La grammaire du français. Editions Maison des Langues, 2016.
Categoría:Sintaxi d'o francés Frances