Fuent de Campo (oficialment, en castellano, Fuendecampo) ye un lugar aragonés d'o municipio d'a Fueva, en a provincia de Uesca y comarca de Sobrarbe. A suya población ye de 32 habitants (2011 «Fuendecampo» en a subpachina «Relación de unidades poblacionales» d'o Instituto Nacional de Estadística, consultada o 21 de marzo de 2012.).
O nuclio se troba formau de 6 casas, as 3 mas antigas en chunto con a ilesia forman un conchunto constructivo dificil de datar, caracterizau sobre tot por una vuelta triple de piedra que conecta os diferents edificios. As demés casas se troban esparzas, tan como bellas bordas y as naus d'as granchas de bestiar que son a industria d'o lugar, en dando-le a Fuent de Campo una disposición global de casar disperso. Se troba en o centro d'a plana agricola que ye o norte d'a Fueva, con as suyas casas a pocos metros d'o río d'a Nata.
Fuent de Campo con altros nuclios d'o norte d'a subcomarca de a Fueva, fayón parte d'o municipio de Toledo d'a Nata dica la suya absorción, en a decada d'os 60, por o municipio d'a Fueva. Fuent de Campo yera o mas gran d'os nuclios que integraban o Toledo, y lo mas baixo en altitut, por trobar-se ya en a plana de a Fueva.
Fiestas 15 d'agosto, Fiesta Mayor, «Fiestas en Agosto» en a subpachina «Calendario Festivo» d'o portal oficial d'a Comarca de Sobrarbe, www.Sobrarbe.com, consultada o 2 d'octubre de 2010. fendo-le honras a la Virchen de l'Asumpción. 10 d'aviento, Fiesta d'hibierno, «Fiestas en Diciembre» en a subpachina «Calendario Festivo» d'o portal oficial d'a Comarca de Sobrarbe, www.Sobrarbe.com, consultada o 2 d'octubre de 2010. «Fuendecampo» en o pachina oficial de l'achuntamiendo d'a Fueva; consultada o 2 d'octubre de 2010. fendo-le honras a Santa Olaria de Mérida.
Referencias
Vinclos externos
Categoría:Lugars d'a Fueva Categoría:Localidaz d'Aragón con fiestas patronals ta l'Asumpción de Santa María Categoría:Localidaz d'a diocesi de Balbastro-Monzón en Sobrarbe