Solipueyo ye un lugar aragonés d'o municipio d'a Fueva, en a comarca de Sobrarbe y a provincia de Uesca. A suya población ye de 27 habitants (2011 «Solipueyo» en a subpachina «Relación de unidades poblacionales» d'o Instituto Nacional de Estadística, consultada o 22 de marzo de 2012.).
Solipueyo yera una aldeya tradicional de Ranyín dica que o municipio que o dito lugar capitaniaba s'incorporó en o municipio de Moriello de Monclús a metat d'o sieglo XIX. Ye a mas baixa en altitut d'as dos aldeyas que teneba Ranyín, podendo-se-la trobar cuasi de tot en plano en a fondonada d'a Fueva.
Se troba a tansament 1 kilometro de Buetas en seguindo a pista asfaltada que de Tierrantona puya ta Ranyín, por a on que A Fueva comienza a enfilar-se cara ta la sierra de Campanué, en l'este d'a subcomarca. Ye un lugar eminentment agrario, que d'estructura no guarda mica de semellanza con l'estilo planificadament defensivo que caldría esperar d'un nuclio que se conoix dende a Edat Meya. «Solipueyo» en a pachina oficial de l'achuntamiento d'a Fueva, consultada o 13 de noviembre de 2010.
O lugar no tiene garra ilesia, y ta os servicios i tienen una capilleta menuda, moderna y consagrada a l'advocación de Santa Barbara.
Demografía
Fiestas Primer cabo de semana de setiembre, Fiesta Mayor, Calandario de fiestas en a pachina oficial de l'achuntamiendo de a Fueva; consultada o 13 de noviembre de 2010. fendo-le honras a Santa María de l'Asumpción, que anque ye o día 15 d'agosto s'ha gosau tresladar ta setiembre. Ista fiesta mayor se fa conchuntament con Ranyín y con o Lumo de Ranyín. 4 d'aviento, fiesta d'hibierno, fendo-le honras a Santa Barbara.
Referencias
Categoría:Lugars d'a Fueva Categoría:Localidaz d'Aragón con fiestas patronals ta l'Asumpción de Santa María Categoría:Localidaz d'a diocesi de Balbastro-Monzón en Sobrarbe