Dornier Do 17 ye un bombardero desarrollau por Dornier Flugzeugwerke. Jane's Encyclopedia of Aviation, Random House, 1993, ISBN 978-0517103169 O suyo primer vuelo estió en 1934. Tien dos motors Bramo 323P , una velocidat maxima de 410 km/h y capacidat d'aventar dica 1000 kg de bombas. S'han construyiu 2139 unidaz.
O Dornier Do 17, a vegadas denominau Fliegender Bleistift ("lapicero volador"), estió produciu por a companyía de Claudius Dornier, Dornier Flugzeugwerke. L'avión estió disenyau como un Schnellbomber ("bombardero rapedo"), un bombardero liuchero que, en teoría, serba tan rapedo que podría superar a los avions de combate defensors.
O Dornier estió disenyau con dos motors amontaus en una estructura de ``ala d'huembro`` y poseyeba una configuración d' aletas de coda chiminucas. L'avión yera muit popular entre as suyas tripulacions a causa que lo suyo manullo, especialment a baixa altitut, lo que feba que o Do 17 estase mas dificil d' aconseguir que atros bombarders alemans.
Disenyau en primerías d'o decenio de 1930, estió uno d' os tres tipos prencipals de bombarders d' a Luftwaffe emplegaus en as primeras tres anyadas d' a guerra. O Do 17 fazió a suya debut en combate en 1937 mientres a Guerra Civil Espanyola, operando en a Lechión Condor en diversos rols. De conchunta con o Heinkel He 111, estió o prencipal tipo de bombardero d'o brazo aerio alemán en 1939-1940. O Dornier s'usó a lo largo d'a guerra temprana y veyió acción en numeros significativos en cada teatro de campanya important como un avión de primera linia dica cabos de 1941, cuan a suya efectividat y emplego se reducioron a causa que a suya carga de bombas y o suyo alcanz yeran limitados.
A producción d'o Dornier remató a meyaus de 1940, a favor d'o Junkers Ju 88 que yera mas nuevo y mas poderoso. O succesor d'o Do 17 estió o Dornier Do 217, muito mas poderoso, que prencipió a amaneixer con fuerza en 1942. Con tot y con ixo, o Do-17 continó fendo servicios continos en a Luftwaffe en diversos rols dica o final d' a guerra, como remolcador de planeadors, avión d' investigación y entrenamiento. Se ninvió un numero considerable d'eixemplars supervivients a atras nacions de l'Eixe, asinas como a países como Finlandia y Espanya. Pocos Dornier Do 17 sobrevivioron a la guerra y o zaguer estió repuyau en Finlandia en 1952.
Referencias
Categoría:Bombarders Do 17 Do 17 Do 17