Iste articlo ye sobre o lugar d'Otal, ta atros usos se veiga Otal (desambigación).
Otal ye un lugar d'o municipio de Broto, a l'alto d'a valle d'Otal, en a comarca d'o Sobrepuerto, a 1425m d'altaria. En a suya redolada se troban es monts d'Erata (2003m) e Pelopín (2007 m) e ro barranco d'Otal, dito per l'habitual barranco de Forcos, afluent de l'Ara.
Per l'abandonamiento d'o lugar, no se-bi puet plegar per garra camín asfaltato ni carretera, e s'ha de fer tota ra puyada per pista de tierra de Bergua (zaguer lugar con pista asfaltata) t'alto, per mes de 4 Km.
A ilesia A ilesia, actualment consagrata ta Sant Miguel Arcánchel como ilesia de Sant Miguel d'Otal, en estiore d'antigos ta ra Naixencia de Chesús. En es oríchens yera una construcción purament romanica, de trazas similars a Sant Pietro de Larrede, anque d'ixa epoca només en ha conservato que l'abside. Tien reestruturacions d'es sieglos XVI e XVII. Ye la ilesia parroquial d'o lugar. Parroquias del Arciprestazgo de Biescas en o sitio web d'a Diocesi de Chaca.
Patrimonio Como muitos d'es lugars altoaragoneses que quedoren abandonatos habe ya tiempos, l'Otal ha conservato a mes gran parti d'as suyas trazas singulars en l'arquitectura tradicional. Es edificios son de piedra e toz aquers que no-bi son enronatos conservan es pesatos tellatos de losas e vigas de caixigo que caracterizan as construccions vernaculars d'o Sobrepuerto. Parti integradora d'ixe patrimonio en yera o cabecero de Casa Oliván d'o lugar, protagonista d'un rescate arqueolochico con helicoptero que el habiore de portar enta o Museu de Sarrablo de Samianigo.
Tammién se sacore de l'Otal un lienzo que s'espone actualment en o Museu Diocesano de Chaca; o lienzo de Sant Miguel, d'epoca gotica.
Referencias
Fiastas 31 d'agosto, Fiasta Mayor fendo honor ta Sant Raimón.
Vinclos externos Romanico d'Otal e d'altros lugars d'o Sobrepuerto. l'Otal en o portal RomanicoAragonés.com.
*