Guyena (en occitán Guiana , en francés Guyenne ) ye una antiga provincia d'o sud-ueste francés. A suya capital yera Bordeus y se trobaba a lo nord-este de Gascunya. O termin se refirió dimpués a lo conchunto d'as posesions francesas d'o Rei d'Anglaterra dimpués d'o Tractau de París en 1259. Yera formada por Lemosín, Périgord, Quercy, Rouergue, Agenais, una parti de Saintonche y de Gascunya.
Toponimia O exotoponimo en aragonés y en castellano, Guyena, provién d'o francés Guyenne, que ye l'adaptación de l'occitán Guiana. Ista palabra tien o suyo orichen en Aquitania, que en os sieglos XII-XIII se convertió en Aguiana en gascón, que se convertió en luego Guiana por a perdua d'a letra a d'o prencipio d'a palabra. Sindembargo, tamién se diz que a palabra tien o suyo orichen en a manera de pronunciar d'os angleses d'o toponimo Aquitania mientres o suyo dominio d'ista rechión.
Categoría:Comarcas d'Occitania Categoría:Provincias historicas de Francia