As Corz d'o Reino de Valencia (en valenciano Corts forals valencianes) yeran l'asamblea representativa d'os tres braços d'o Reino de Valencia —eclesiastico, militar u nobiliario, y reyal— de conchunta con o rei, a qui correspondeba convocar-las, fixando lo puesto y calendata de celebración. En primerías a suya finalidat yera atender a lo «buen estamento y reforma d'o reino» como afirmó Chaime II en 1301-1302, pero dende meyaus d'o sieglo XIV la suya función prioritaria estió atender a las necesidatz de fondos extraordinarios d'a monarquía pa fer frent a lo cronico deficit d'a ficienda real. Narbona, Muñoz y Cruselles, 1988, p. 276.
A diferencia d'as Corz de Castiella d'a Edat Moderna, que funcionaban solament como organo consultivo, as Corz d'o Reino de Valencia, como las d'o Prencipau de Catalunya y las d'o Reino d'Aragón, yeran un organo normativo, ya que los suyos alcuerdos teneban fuerza de lei, en o sentiu de contracto que lo rei no podeba revocar. Ixa forma d'entender las relacions entre la Corona y os suyos vasallos s'ha denominau pactismo. Las Corz Forals Valencianas. Corts: Anuario de dreito parlamentario. María José Carbonell Boria. 1995. Num. 1, pach. 61-78
Referencias
Se veiga tamién Corz Chenerals d'Aragón Corz d'o Reino d'Aragón Corz Catalanas
*