Custer of the West (títol orichinal en anglés, en aragonés Custer de l'Ueste, estrenada en Aragón con o títol en castellano de La última aventura del general Custer, en aragonés La zaguer aventura d'o cheneral Custer) ye una cinta de cine de western biografico coproducida por o cine estausunidense, lo cine espanyol, o cine britanico y lo cine francés estrenada l'anyo 1967, dirichida por Robert Siodmak seguntes un guión orichinal de Bernard Gordon y Julian Zimet, con una banda sonora orichinal de Bernardo Segall, una dirección de fotografía de Cecilio Paniagua y una producción cinematografica de Philip Yordan y Irving Lerner ta la productora cinematografica Security Pictures. Conta con un elenco d'o cual en fan parte, en os suyos papels principals, os actors Robert Shaw, Mary Ure, Ty Hardin, Jeffrey Hunter, Lawrence Tierney, Marc Lawrence, Kieron Moore, Charles Stalmaker, Jack Gaskins, Robert Hall, Robert Ryan, John Clark y Barta Barri.
A cinta presenta una visión de poco rigor historico sobre la vida d'o cheneral George Armstrong Custer, centrando-se en o periodo que abraca dende lo final d'a Guerra Civil d'os Estaus Unius en 1865 dica la suya muerte en a batalla de Little Bighorn o 25 de chunio de 1876. Conta cómo en rematar a guerra lo cheneral Custer se troba, como tantos otros oficials y chefes, sin treballo. Nomás li ufren que destins administrativos pero él los refusa, dica que se li ufre lo mando d'o 7eno Rechimiento de Caballería, destinau en Dakota d'o Norte y que tien como misión la de cosirar a los sioux d'ixe territorio, a on por tractau no pueden dentrar os colonos estausunidenses. Ta ixa misión se li rebaixa lo suyo grau militar dica lo de tenient coronel, y en plegar en o fuerte base d'o rechimiento se confirma lo que ya sospitaba: l'han ninviau nomás que ta provocar una guerra con os indios y fer-los fuera d'os suyos territorios. En primeras preba d'evitar que los buscadors d'oro penetren en territorio indio ta las suyas prospeccions, pero bien luego se troba que mesmo las suyas tropas se contchian d'a fiebre de l'oro y permite a los buscadors marchar enta territorio indio ta disgusto d'o chefe sioux Caballo Loco (Crazy Horse). Destituyiu, marcha enta Washington, DC a on denuncia la corrupción existent en a chestión d'os temas relativos a los amerindios y en atros ambitos d'a politica y d'a sociedat estausunidenses, plegando a implicar a lo mesmo chirmano d'o president d'os Estaus Unius Ulysses S. Grant. Tanimientres, consigue estar ninviau nuevament a mandar o 7eno de Caballería a tiempo ta participar en una campanya contra los indios, que en un numero important s'han concentrau en a compleganza d'o río Yellowstone, perseguindo-los dica lo suyo afluent o río Bighorn.
A cinta s'ambienta en Washington, DC, Dakota d'o Norte, Dakota d'o Sud y Montana en o anyos 1860 y 1870 y las suyas escenas se filmoron en Colmenar Viejo y Madrit (Comunidat de Madrit), Toledo (Castiella-La Mancha) y Almería (Andalucía) en Espanya, amás d'en os estudios cinemtograficos Sevilla Films en Madrit. Localizacions de Custer of the West en Internet Movie Database.
Elenco Kramer vs. Kramer en Internet Movie Database. Actor Papel Notas ''''
Se veiga tamién Cine en 1967. Cintas de 1967.
Referencias
Vinclos externos
Categoría:Cintas ambientadas en Dakota d'o Norte Categoría:Cintas ambientadas en Dakota d'o Sud Categoría:Cintas ambientadas en Montana Categoría:Cintas ambientadas en Washington, DC Categoría:Cintas ambientadas en os anyos 1860 Categoría:Cintas ambientadas en os anyos 1870 Categoría:Cintas con banda sonora orichinal de Bernardo Segall Categoría:Cintas con dirección de fotografía de Cecilio Paniagua Categoría:Cintas con guión de Bernard Gordon Categoría:Cintas con guión de Julian Zimet Categoría:Cintas con montache de Maurice Rootes Categoría:Cintas con montache de Peter Parasheles Categoría:Cintas de cine biografico Categoría:Cintas de western Categoría:Cintas d'Espanya Categoría:Cintas d'Estaus Unius Categoría:Cintas de Francia Categoría:Cintas d'o Reino Uniu Categoría:Cintas dirichidas por Robert Siodmak Categoría:Cintas en anglés Categoría:Cintas en Technicolor Categoría:Cintas interpretadas por Barta Barri Categoría:Cintas interpretadas por Charles Stalmaker Categoría:Cintas interpretadas por Jack Gaskins Categoría:Cintas interpretadas por Jeffrey Hunter Categoría:Cintas interpretadas por John Clark Categoría:Cintas interpretadas por Kieron Moore Categoría:Cintas interpretadas por Lawrence Tierney Categoría:Cintas interpretadas por Marc Lawrence Categoría:Cintas interpretadas por Mary Ure Categoría:Cintas interpretadas por Robert Hall Categoría:Cintas interpretadas por Robert Ryan Categoría:Cintas interpretadas por Robert Shaw Categoría:Cintas interpretadas por Ty Hardin Categoría:Cintas producidas por Irving Lerner Categoría:Cintas producidas por Philip Yordan Categoría:Cintas rodadas en Almería Categoría:Cintas rodadas en Colmenar Viejo Categoría:Cintas rodadas en Madrit Categoría:Cintas rodadas en Toledo Categoría:Cintas sobre as Guerras indias