250px|thumb|Vins de pago Ailés. Vino de Pago (en castellano vino de pago) ye una denominación d'origen espanyola pa vins que guarencian a procedencia d'as ugas d'una zona cheografica con unas caracteristicas edaficas especificas, ye decir cuan en una zona concreta existe un microclima particular y una composición d'o terreno especifica que la diferencien y distingan d'atras zonas d'a suya redolada.
A palabra "pago" proviene d'o latín pagus, que significa districto rural.
Ista indicación cheografica ye reglamentada por a Lei d'a Vinya y o Vin (2003), que estipula que toz os vins subchectos a ista indicación han de cumplir os siguients requisitos: Lei 24/2003 d'a Vinya y o Vin, BOE num. 165 O vin de pago ha d'estar conoixiu con un nombre vinculau de forma tradicional a o cautivo d'os vinyals d'os que s'obtiene o vin y a extensión maxima d'istos no podrá estar igual ni superior a la de dengún d'os termins municipals en o territorio a on se situe. En caso de que a totalidat d'o vin de pago siga incluyiu en l'ambito territorial d'una denominación d'orichen calificada, podrá recibir o nombre de vin de pago calificau siempre que acredite que cumple os requisitos desichius a os vins d'a denominación d'orichen calificada. Os vins de pago serán elaboraus y embotellaus por as personas fisicas u churidicas que ostenten a titularidat d'os vinyals situaus en o pago, en bodegas situadas en a redolada d'o pago. Toda a uga que se destine a o vin de pago habrá de proceder de vinyals situaus en o pago determinau y o vin habrá d'elaborar-se, almagacenar-se y criar-se de manera deseparada d'atros vins. En a elaboración d'o vin de pago s'implantará un sistema de calidat integral, que s'aplicará dende a producción d'a uga dica a salida a o mercau d'os vins. Cada vin de pago habrá de contar con un organo de chestión, subchecto a la lechislación d'as comunidaz autonomas.
En Aragón i hai una denominación d'orichen de vins de pago, a Denominación d'Orichen Protechida Ailés.
Referencias
Vinclos externos Articlo sobre os vins de pago
Categoría:Denominacions d'orichen d'Espanya Pago