Miamor perdido (títol orichinal en castellano, en aragonés Miamor perdiu, fendo un chuego de palabras con Omíoamor perdiu) ye una cinta de cine espanyol de cine de comedia romantica estrenada l'anyo 2018, dirichida por Emilio Martínez-Lázaro seguntes un guión orichinal de Miguel Esteban y Clara Martínez-Lázaro, con una banda sonora orichinal de Roque Baños, una dirección de fotografía de Juan Molina Temboury y una producción cinematografica de Nicolás Matji y José Luis Olaizola ta las productoras Discontinuo La Película, Impala, Caos Films y Radio Televisión Española. Fan parte de l'elenco d'a cinta Dani Rovira, Michelle Jenner, Vito Sanz, María Hinojosa, Antonio Resines, Pablo Carbonell, Daniel Pérez Prada, Maite Sandoval, Antonio Dechent, Javivi, Mariona Terés, Almar G. Sato y Veki Velilla, entre d'atros actors.
Bel día, por casualidat, Mario atropella con a suya bicicleta a Olivia, y toz doz rematan enamorando-se. Tienen un gato a qui Olivia clama Miamor, que nomás entiende que si li charran en valenciano, en estar d'ixe orichen la mesma Olivia. Bel día, de rapiconte, prencipian una discusión sobre que toda relación remata por acabar, y la discusión finalment fa que decidan deixar a suya relación. En ixe mesmo momento, lo gato tamién desapareixe, mesmo que lo suyo amor. Optan por publicar cartels ta poder trobar a Miamor perdiu, y finalment lo troban unas mesachas, que lo comunican a Mario. Cuan Mario plega en casa d'Olivia ta decir-le que han trobau a Miamor, la troba con un archentino, que li diz que se casará con Olivia ta poder tener papels legals ta la suya residencia en Espanya. Mario opta por decir-le que han trobau a Miamor, pero que ye muerto. Dende alabez, Olivia contina con a suya carrera como actriz fracasada pero Mario contina con una exitosa carrera como actor y comico. Sindembargo, toz dos basan as suyas obras en a suya propia relación comuna, dica bel día que Mario apareixe cuan Olivia ye asayando una obra teatral basada en a suya experiencia conchunta y Mario decide estar él l'actor en ixa obra. Mientres os asayos, pareixe que torna l'amor entre éls, pero chusto en ixe momento Olivia conoix que Mario l'ha enganyau y Miamor contina vivo, y prencipia una guerra entre toz dos, ta deixar a l'atro en ridiclo en o suyo treballo. A la vegada, lo gato caye en estau de coma y se fa l'estreno d'a obra teatral escrita por Olivia a on explica la suya relación y que interpretan Olivia y Mario.
A cinta s'ambienta en Madrit en a suya epoca actual (2018) y las suyas escenas se filmoron en Aranjuez y Madrit (Comunidat de Madrit) y en Zarautz (País Basco).
Elenco Miamor perdido en Internet Movie Database. Actor Papel Notas ''''
Se veiga tamién Cine en 2018. Cintas de 2018.
Referencias
Vinclos externos Miamor perdido en Internet Movie Database. Miamor perdido en FilmAffinity.
Categoría:Cintas ambientadas en Madrit Categoría:Cintas ambientadas en 2018 Categoría:Cintas con banda sonora orichinal de Roque Baños Categoría:Cintas con dirección de fotografía de Juan Molina Temboury Categoría:Cintas con guión de Clara Martínez-Lázaro Categoría:Cintas con guión de Miguel Esteban Categoría:Cintas con montache d'Ángel Hernández Zoido Categoría:Cintas de cine de comedia Categoría:Cintas de cine de romance Categoría:Cintas d'Espanya Categoría:Cintas dirichidas por Emilio Martínez-Lázaro Categoría:Cintas en castellano Categoría:Cintas interpretadas por Almar G. Sato Categoría:Cintas interpretadas por Antonio Dechent Categoría:Cintas interpretadas por Antonio Resines Categoría:Cintas interpretadas por Dani Rovira Categoría:Cintas interpretadas por Daniel Pérez Prada Categoría:Cintas interpretadas por Javivi Categoría:Cintas interpretadas por Maite Sandoval Categoría:Cintas interpretadas por María Hinojosa Categoría:Cintas interpretadas por Mariona Terés Categoría:Cintas interpretadas por Michelle Jenner Categoría:Cintas interpretadas por Pablo Carbonell Categoría:Cintas interpretadas por Veki Velilla Categoría:Cintas interpretadas por Vito Sanz Categoría:Cintas producidas por José Luis Olaizola Categoría:Cintas producidas por Nicolás Matji Categoría:Cintas rodadas en Aranjuez Categoría:Cintas rodadas en Madrit Categoría:Cintas rodadas en Zarautz