O sake (d'o chaponés 酒 [さけ], sake, literalment "bebida alcolica") ye una bebida alcolica propia de Chapón que s'obtiene d'a fermentación de l'arroz. En iste país ye mas conoixiu como nihonshu (日本酒), u 'licor chaponés', encara que o suyo nombre tecnico preciso ye seishu (清酒), que ye o que consta en as botellas.
En Occident ye habitual referir-se a o sake como "vin d'arroz", encara que o proceso de producción ye mas pareixiu a o d'a biera que a o d'o vin, ya que se produce una doble transformación: de l'amidón en zucre y d'o zucre en alcol. A esferencia d'o que pasa con a biera, a on o zucre s'obtiene por un proceso de maltiau previo a la fermentación, en o caso d'o sake istas dos transformacions se producen de forma simultania. I hai atras bebidas ditas vin d'arroz que diferen substancialment d'o sake.
Referencias
Vinclos externos
Categoría:Bebidas alcolicas de Chapón Categoría:Bebidas fermentadas