Iste articlo ye sobre una cinta estausunidense de cine negro estrenada en 1946; ta atros usos, se veiga Gilda.
Gilda (títol orichinal, estrenada en Aragón con ixe mesmo títol) ye una cinta de cine negro de cine estausunidense estrenada l'anyo 1946, dirichida por Charles Vidor seguntes un guión adaptau por Marion Parsonnet y Ben Hecht, iste zaguero no acreditau, basau en una historia d'EA Ellington adaptada por Jo Eisinger. Conta con una banda sonora orichinal de M. W. Stoloff y Marlin Skiles, una dirección de fotografía de Rudolph Maté, una producción cinematografica de Virginia Van Upp ta la productora cinematografica Columbia Pictures, y un elenco d'actors d'o cual en fan parte Rita Hayworth, Glenn Ford, George Macready, Joseph Calleia, Steven Geray, Joe Sawyer, Gerald Mohr, Mark Roberts, Ludwig Donath, Don Douglas, Lionel Royce y George J. Lewis, entre d'atros actors.
Johnny Farrell ye un estausunidense recient plegau enta Buenos Aires, a on s'adedica a ganar diners chugando a chuegos de daus con daus cargaus. Ballin Mundson, un desconoixiu, lo salva en bel conflicto y li charra d'un casino ilegal de luxo existent en a ciudat, pero l'insta a no fer-ie trapazas. Tanimientres, Farrell gana diners en ixe casino en chugando a lo blackjack y fendo reconto de cartas, por lo que lo levan a presencia d'o propietario d'o local, qui resulta estar o mesmo Mundson. Farrel convence a iste ta que lo contracte y bien luego se converte en a suya man dreita. Poco dimpués Mundson marcha de viache enta los Estaus Unius y en tornar lo fa casau con Gilda, una muller con qui se casó a lo día siguient de conoixer-la. Bien luego se fa evident que Gilda y Farrell se conoixeban d'antes mas, encara que toz dos li lo niegan a Mundson, y iste encomana a Farrell o cudiau d'a suya nueva muller. Gilda s'adedica de contino a coquetiar con muitos hombres con a evident intención de fer lo crabero a Farrell. Un día plegan en o casino uns alemans que charran con Mundson y que resulta que heban creyau una empresa ta controlar a producción de tungsteno mientres a Segunda Guerra Mundial y que, en veyer que l'Archentina y dentraría en a guerra y ta evitar que lis confiscasen, heban puesto a nombre de Mundson, cosa que heba financiau o suyo casino. Os alemans demanan a Mundson que lis torne tot, pero iste se niega y finalment fan explotar un avión a on iste viachaba, estando declarau muerto. Bien luego Farrell se casa con Gilda, que ha recibiu tot en herencio, pero por chelosía no li fa garra caso, y ista preba de fuyir, mesmo enta Montevideo en l'Uruguai, pero Farrell siempre la fa tornar. D'atra man, Obregón ye un policía archentino que investiga lo tema d'os alemans, dica que se convence que de tot ixe tema Farrell no en conoix cosa. De rapiconte, apareixe Mundson, qui heba simulau a suya muerte, y quiere matar mesmo a Farrell que a Gilda.
A cinta s'ambienta en 1946 en Buenos Aires (Archentina) y Montevideo (Uruguai) y las suyas escenas se filmoron en Hollywood (Los Angeles, California) en os Estaus Unius. Localizacions de Gilda en Internet Movie Database.
Se tracta d'una cinta que ha recibiu bels premios y nominacions, anque garra d'éls no perteneixe a los premios cinematograficos mas conoixius u destacaus.
Elenco Gilda en Internet Movie Database. {|class="wikitable sortable" style="font-size: 90%;"
! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas
| ''
Se veiga tamién Cine en 1946. Cintas de 1946.
Referencias
Vinclos externos
Gilda en Internet Movie Database. Gilda en l'American Film Institute Catalog de l'American Film Institute''. Gilda en TCM Movie Database. Gilda en Rotten Tomatoes.
Categoría:Cintas ambientadas en Buenos Aires Categoría:Cintas ambientadas en Montevideo Categoría:Cintas ambientadas en 1946 Categoría:Cintas con banda sonora orichinal de M. W. Stoloff Categoría:Cintas con banda sonora orichinal de Marlin Skiles Categoría:Cintas con dirección de fotografía de Rudolph Maté Categoría:Cintas con guión de Ben Hecht Categoría:Cintas con guión de Marion Parsonnet Categoría:Cintas con montache de Charles Nelson Categoría:Cintas de cine negro Categoría:Cintas d'Estaus Unius Categoría:Cintas dirichidas por Charles Vidor Categoría:Cintas en alemán Categoría:Cintas en anglés Categoría:Cintas en castellano Categoría:Cintas en francés Categoría:Cintas en blanco y negro Categoría:Cintas interpretadas por Don Douglas Categoría:Cintas interpretadas por George Macready Categoría:Cintas interpretadas por George J. Lewis Categoría:Cintas interpretadas por Gerald Mohr Categoría:Cintas interpretadas por Glenn Ford Categoría:Cintas interpretadas por Joe Sawyer Categoría:Cintas interpretadas por Joseph Calleia Categoría:Cintas interpretadas por Lionel Royce Categoría:Cintas interpretadas por Ludwig Donath Categoría:Cintas interpretadas por Mark Roberts Categoría:Cintas interpretadas por Rita Hayworth Categoría:Cintas interpretadas por Steven Geray Categoría:Cintas producidas por Virginia Van Upp Categoría:Cintas rodadas en Los Angeles