Charlie's Angels: Full Throttle (títol orichinal en anglés, en aragonés Os Ánchels de Charlie: a escape, estrenada en Aragón con o títol de Los ángeles de Charlie: al límite, en aragonés Os ánchels de Charlie: a lo canto) ye una cinta de cine estausunidense de cine de comedia d'acción d'espionache estrenada l'anyo 2003, dirichida por McG seguntes un guión adaptau por John August, Cormac Wibberley y Marianne Wibberley (basau en una historia de John August basada a la vegada en a serie de televisión Charlie's Angels, d'Ivan Goff y Ben Roberts), con una banda sonora orichinal d'Edward Shearmur, una dirección de fotografía de Russell Carpenter y una producción cinematografica de Drew Barrymore, Leonard Goldberg y Nancy Juvonen ta las productoras Columbia Pictures, Leonard Goldberg Productions, Flower Films, Tall Trees Productions y Wonderland Sound and Vision. Conta con un elenco d'o cual en fan parte Cameron Diaz, Drew Barrymore, Lucy Liu, Bernie Mac, Demi Moore, Justin Theroux, Robert Patrick, Crispin Glover, Rodrigo Santoro, John Forsythe, Matt LeBlanc, Luke Wilson, John Cleese, Shia LaBeouf y Ja'Net DuBois, entre d'atros actors.
Dimpués de rescatar a l'achent Ray Carter en Mongolia, ninvían a los Ánchels de Charlie (Natalie Cook, Dylan Sanders y Alex Munday) enta recuperar uns aniellos de titanio robaus a lo Departamento de Chusticia d'os Estaus Unius y que permiten conoixer qué personas se troban incluyidas en o programa de protección de testigos. En casa d'un d'os testigos asasinaus en San Bernardino (California) siguen a pista d'o suyo asasino, Randy Emmers, que los leva enta una placha a on se i troba l'antiga ánchel Madison Lee, con qui l'ánchel Natalie se baralla. Bien luego intervienen ta evitar que Emmers mate a un atro testigo, Max Petroni, pero dimpués qui ye asasinau ye lo propio Emmers, a mans de l'Hombre Delgau, que aparentment heba muerto en a cinta anterior (Charlie's Angels). En as bochacas d'Emmers, os ánchels i troban as fotos d'os testigos asasinaus pero tamién a foto de Dylan, que apareixe con o nombre de Helen Zaas. Dylan explica que sí, que ella tamién ye un testigo protechiu porque declaró contra lo suyo antigo novio Seamus O'Grady, capo d'a mafia irlandesas y que l'asasinato d'os testigos protechius yera una venganza d'O'Grady. Consiguen recuperar os aniellos robaus en Los Angeles, pero como O'Grady menaza a Dylan con asasinar a toda la suya familia, ista marcha enta Mexico, ta protecher tamién a los atros ánchels. Tanimietres, Natalie y Alex ya han descubierto qui ye en realidat a impulsora de tot: l'antiga achent Madison Lee.
A cinta s'ambienta en a suya epoca actual (2003) en Mongolia, en San Bernardino y Los Angeles (California) y en Mexico y las suyas escena se filmoron en Beverly Hills y Los Angeles (California), amás d'en os Sony Pictures Studios en Culver City, tamién en California. Localizacions de Charlie's Angels: Full Throttle en Internet Movie Database.
Se tracta d'una cinta que ha recibiu bels premios y nominacions, encara que en a suya mayor parte se tracta d'os Premios Golden Raspberry.
Elenco Charlie's Angels: Full Throttle en Internet Movie Database. Actor Papel Notas ''''
Se veiga tamién Cine en 2003. Cintas de 2003.
Referencias
Vinclos externos
Charlie's Angels: Full Throttle en Internet Movie Database.
Categoría:Cintas ambientadas en Los Angeles Categoría:Cintas ambientadas en Mexico Categoría:Cintas ambientadas en Mongolia Categoría:Cintas ambientadas en San Bernardino (California) Categoría:Cintas ambientadas en 2003 Categoría:Cintas con banda sonora orichinal d'Edward Shearmur Categoría:Cintas con dirección de fotografía de Russell Carpenter Categoría:Cintas con guión de Cormac Wibberley Categoría:Cintas con guión de John August Categoría:Cintas con guión de Marianne Wibberley Categoría:Cintas con montache de Wayne Wahrman Categoría:Cintas de cine d'acción Categoría:Cintas de cine de comedia Categoría:Cintas de cine d'espionache Categoría:Cintas d'Estaus Unius Categoría:Cintas dirichidas por McG Categoría:Cintas en anglés Categoría:Cintas en castellano Categoría:Cintas en chinés mandarín Categoría:Cintas interpretadas por Bernie Mac Categoría:Cintas interpretadas por Cameron Diaz Categoría:Cintas interpretadas por Crispin Glover Categoría:Cintas interpretadas por Demi Moore Categoría:Cintas interpretadas por Drew Barrymore Categoría:Cintas interpretadas por Ja'Net DuBois Categoría:Cintas interpretadas por John Cleese Categoría:Cintas interpretadas por John Forsythe Categoría:Cintas interpretadas por Justin Theroux Categoría:Cintas interpretadas por Lucy Liu Categoría:Cintas interpretadas por Luke Wilson Categoría:Cintas interpretadas por Matt LeBlanc Categoría:Cintas interpretadas por Robert Patrick Categoría:Cintas interpretadas por Rodrigo Santoro Categoría:Cintas interpretadas por Shia LaBeouf Categoría:Cintas producidas por Drew Barrymore Categoría:Cintas producidas por Leonard Goldberg Categoría:Cintas producidas por Nancy Juvonen Categoría:Cintas rodadas en Beverly Hills Categoría:Cintas rodadas en Culver City Categoría:Cintas rodadas en Los Angeles