O bergotés ye a parla local aragonesa que se charra en a val de Broto: Torla, Broto, Oto, Buesa, Sarvisé, Ayerbe de Broto, Asín, Yosa, Linars de Broto, Viu de Linars y Fraixen. D'entre estas localidaz Broto figura en l'ALEANR con as siglas Hu 106 por o que se conoix relativament bien o lexico d'intrés etnografico. Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.
En realidat l'aragonés en a val de Broto presenta as mesmas caracteristicas basicas que en a Val de Vio y ye a mesma parla comarcal. A denominación de bergotés no ye tradicional, y a suya distinción ye producto de publicacions filolochicas que describiban os caracters de l'aragonés de puestos muito concretos y dimpués designaban a parla ixos puestos con denominacions derivadas de chentilicios. Bergotés ye o chentilicio de Bergua.
Fonetica Conserva, como l'aragonés de valle de Vio, as diftongacions -ia- y -ua- d'as Ĕ y Ŏ curtas latinas en femeninos remataus en a (buana, cuasta). Este tipo de diftongacions han estau consideradas tradicionalment como arcaísmos que en l'aragonés preliterario que se produciban dende a Chacetania ta la Ribagorza, manimenos puede haber-ie atras explicacions. COSTA > cuasta, (cuesta en aragonés cheneral). BONU > buano ("bueno") TEMPU > tiampo ("tiempo"), QUAESITU > quiasto ("quiesto") PONTE > puande ("puent").
Bi ha repuis d'a evolución d'a -LL- enta sonitos cacuminals tipo -ts, -t-, -ch-, -s- (analogos a la che vaqueira de l'asturiano), pero que no ye -ch- como en tensino, ye -t-. Esto lo trobamos muito a sobén en a toponimia: Cotata ("collata"), Vate ("val"), Andecastieto (d'ANTE y CASTELLUM). ALLUÉ NAVARRO, Mª Isabel et FUERTES CASAUS, Mª Pilar. Nombres para un paisaje (toponimia del Valle de Broto). Ed. Comarca de Sobrarbe + Diputación de Huesca; Zaragoza, 2006. En a parla viva se documentaba por o menos en a segunda metat d'o sieglo XX en parolas como: Cingleto Anchel Conte, Chorche Cortés, Antonio Martínez, Francho Nagore, Chesús Vázquez. El aragonés: identidad y problemática de una lengua. Librería General (1982) pachina 58.: "cingliello". Vetieto: "vetiello", y como puet veyer-se con o diftongo -ie- cheneral en aragonés y no con o diftongo -ia-. Mandiata: "mantiella". Vertubieto William D. Elcock: Evolución de la -LL- en el dialecto aragonés. Archivo de Filología Aragonesa, nº 12-13 (1961-1962) p 289., derivau d'o latín VERTIBELLUM, ye vertubillo actualment en atras variants d'aragonés.
Morfolochía Os articlos son o, os, a, as como en aragonés cheneral, pero con a diferencia que os convive con es, y que en posición intervocalica tenemos ro, ros, ra, ras, (evolución d'a -LL- latina enta -r- coincidindo con o gascón: ILLA > ra en bergotés, era en gascón). Baixa ta ro patio (ortograficament baixa ta lo patio).
Referencias
Bibliografía Articlo titulau Bergotés en a Gran Enciclopedia Aragonesa, edición de 1981.
Vinclos externos Bergotés, en a Gran Enciclopedia Aragonesa Online
Bergotes