A volandrina penyaceraU simplament penyacera. u volandrina parda () ye una especie animal d'o chenero Ptyonoprogne y d'a familia d'os hirundinidos. Se reproduce en as montanyas d'o sud d'Europa, a o nord-ueste d'Africa y a o largo d'o Palearctico. O suyo estau de conservación se considera de risgo minimo. Eurasian Crag Martin. Ptyonoprogne rupestris. Lista Roya d'Especies Menazadas d'a UICN. Unión Internacional pa a Conservación d'a Naturaleza. BirdLife International.
Descripción Ye prou gran y compacto (15 cm.), con un cuerpo mas arredondiau que o d'atras especies amanadas, un cuello amplo y alas amplas y punchudas.
O plumache d'o cuello ye tenuement listau y prou fosco. As plumas d'a coda tienen un luchero puntiau blanco y no son tan clarament aforcadas como en a resta de volandrinas. O plumache en cheneral ye marronisco, encara que a zona inferior ye muito mas clara.
Tien un volido poderoso y áchil, planía con as alas planas y estendilladas de tot, podendo chirar-se, virar y avanzar a gran velocidat fendo una chicota serie d'aleteyos rapidos.
Normalment se le veye volar a grans alturas, u patrullando a o costau de grans cinglos.
Habitat Cría en espelungas y cavidaz, precipicios y (rarament) en espacios vueitos d'edificios. Se troba a todas as altituz, mesmo por dencima de 2000 m en zonas aleixadas de montanya. Migrador a o norte d'a peninsula Iberica, resident u migrador de curta distancia a las zonas de mas enta o sud.
Nombres Se rechistra penyacera en Labata y volandrina parda en Grist. Tamién existen as formas falquilla roqueraEn aragonés benasqués falquilla de les roques., rechistrada en Sarllé, y falcinyo roquero.
Notas
Referencias
Rupestris Categoría:Fauna d'Africa Categoría:Fauna d'Asia Categoría:Aus d'Aragón Categoría:Fauna d'Europa Categoría:Fauna d'os Pireneus