Cirulleda (Cirujeda en castellano) ye un lugar de las Cuencas Meneras (Teruel, Aragón), perteneixient a lo municipio d'Aliaga.
Cheografía Cirulleda ye situada a piet de la Sierra de Sant Chust, que tiene chusto a l'este d'esta localidat lo suyo cabo oriental (pico Viento). Eduardo Viñuales Cobos (coordinador): Red natural de Aragón. nº 30, Cuencas Mineras Prames, 2010. pp 146-147. Un poco a l'este de pico Viento encomienzan los monts Majalinos, releu residual sobre la superficie d'erosión fundamental de lo Mioceno superior que s'incluye en la sierra d'Exulve.
Toponimia Lo toponimo ye escrito con -j- en textos oficials dende antigo (pero ixa -j- representa en la ortografía de l'aragonés medieval una -ch- en la ortografía actual), por lo que en l'aragonés d'as comunidaz aragonesas sería Cirucheda, a igual como l'apelliu que en deriva en linia con las palabras panocha y regacho. Manimenos en lo texto de concordia entre lo bispe de Zaragoza y lo concello y capítol eclesiastico de Teruel de lo 14 d'abril de 1212 s'escribiba Ceruleda, con una -l- que representa la -ll- propia de la fonetica aragonesa orichinal:
En lo fogache de 1495 s'escribe Ciruxeda, pero ixa -x- no debeba representar encara lo fonema prepalatal fricativo xordo, que en castellano substituyó a lo fonema postalveolar fricativo sonoro en casos equivalents a los de la -ch- d'este toponimo. Debió estar en tiempos postmedievals cuan Cirucheda se castellanizaría foneticament primero como Ciruxeda y dimpués como Cirujeda con a j velar castellana.
Lo significau de lo toponimo ye puesto con muitas pruneras, podendo estar cognato de lo toponimo Cerulleda, en lo municipio de Valdelugueros (Leyón). En l'aragonés d'as comunidaz aragonesas y en l'aragonés de Tierra Plana s'emplegaba las palabras Ciruello y Ciruella, palabras que encara s'emplegan en lo castellano que ha substituyiu a l'aragonés, mantenendo la pronunciación Cirgüello y Cirgüella, con protesi velar tipica de l'aragonés.
Historia En o sieglo XIV feba part d'a seixma d'el río Martín, adintro d'a comunidat d'aldeyas de Teruel.
Puestos d'intrés Ermita de Sant Macario, sieglo XVIII. Ilesia d'a Asunción, sieglo XVII.
Fiestas Asunción d'a Virchen, 15 d'agosto.
Referencias
Categoría:Lugars d'Aliaga Categoría:Localidaz d'a diocesi de Teruel y Albarracín en as Cuencas Meneras