Ermira «Mira» Murati ye una inxeniera y executiva albano-americana especializada n'intelixencia artificial. Foi direutora de teunoloxía d'OpenAI y, dende 2025, ye fundadora y direutora executiva de Thinking Machines Lab, empresa dedicada al desarrollu de sistemes d'intelixencia artificial.«Alumni Spotlights: Fall 2025». Dartmouth Engineering.
Biografía Murati nació en Vlorë y estudió nel Pearson College UWC de Canadá tres recibir una beca de United World Colleges. Cursó depués un programa conxuntu nel Colby College y la Thayer School of Engineering de Dartmouth College, onde se graduó n'inxeniería en 2012.«Alumni Spotlights: Fall 2025». Dartmouth Engineering.
Nos primeros años de la so carrera trabayó en Zodiac Aerospace, Tesla y Leap Motion. En Tesla participó nel desarrollu del Tesla Model X, y en Leap Motion trabayó en productos de realidá aumentada y sistemes d'interaición persona-ordenador. En 2018 incorporóse a OpenAI, onde foi ocupando puestos de responsabilidá hasta convertise na so direutora de teunoloxía.
Como CTO d'OpenAI supervisó equipos implicaos nel desarrollu y puesta en producción de sistemes como ChatGPT, DALL-E y distintos modelos de la serie GPT. En payares de 2023 exerció durante unos díes como direutora executiva interina de la compañía nel marcu de la crisis de gobiernu qu'acabó cola vuelta de Sam Altman. Murati abandonó OpenAI en setiembre de 2024.
En febreru de 2025 presentó Thinking Machines Lab, compañía d'intelixencia artificial creada xunto con antiguos investigadores d'OpenAI y otres empreses del sector. La empresa plantegó como oxetivu facer los sistemes d'IA más comprensibles, personalizables y capaces, y consiguió una de les mayores rondes iniciales de financiación registraes nel sector.«The Visionary». Dartmouth Engineering.
Referencies
Enllaces esternos
Thinking Machines Lab
Categoría:Inxenieros ya inxenieres d'Estaos Xuníos Categoría:Empresarios y empresaries d'Estaos Xuníos Categoría:Investigadores d'intelixencia artificial Categoría:OpenAI Categoría:Nacíos en 1988 Categoría:Nacíos en Vlorë