Daniela Amodei ye una empresaria d'Estaos Xuníos del sector de la intelixencia artificial. Ye cofundadora y presidenta d'Anthropic, compañía creada en 2021 y responsable de la familia de modelos d'intelixencia artificial Claude.«Daniela Amodei, de Anthropic, habla sobre cómo mantiene la cordura (y sus principios) en medio del frenesí mediático sobre la IA». Stripe, 12 de xunetu de 2023.
Biografía Amodei crióse en San Francisco y estudió literatura inglesa na Universidá de California en Santa Cruz. Enantes de trabayar nel sector teunolóxicu tuvo esperiencies profesionales nel ámbitu políticu y de la salú global. En 2013 incorporóse a Stripe, cuando la empresa inda taba nuna fase inicial del so crecimientu.
En 2018 entró n'OpenAI, onde trabayó na xestión de distintos equipos y acabó ocupando'l cargu de vicepresidenta de seguridá y política. Durante esti periodu participó na organización de los equipos que trabayaben nel desarrollu de modelos de llinguaxe y nes polítiques internes rellacionaes cola seguridá de los sistemes d'intelixencia artificial.
En 2021 dexó OpenAI xunto col so hermanu, l'investigador Dario Amodei, y otros antiguos miembros de la compañía pa fundar Anthropic. Daniela Amodei asumió la presidencia y la responsabilidá de bona parte de les operaciones de la empresa, ente elles contratación, organización interna, política y seguridá.«Inside Anthropic, the AI Company Betting That Safety Can Be a Winning Strategy» . Time, 30 de mayu de 2024.
Anthropic constituyóse como una empresa d'interés públicu y convirtió la seguridá y la interpretación de modelos d'IA en partes centrales de la so actividá investigadora. La compañía desarrolló la familia Claude y foi creciendo hasta convertise nuna de les principales empreses dedicaes a modelos d'intelixencia artificial xenerativa. Amodei foi incluyida en 2023 na llista TIME100 AI.
Referencies
Enllaces esternos Anthropic
Categoría:Empresarios y empresaries d'Estaos Xuníos Categoría:Investigadores d'intelixencia artificial Categoría:OpenAI Categoría:Nacíos en 1987 Categoría:Nacíos en San Francisco