Linda Yaccarino ye una executiva d'Estaos Xuníos especializada en publicidá, medios de comunicación y servicios dixitales. Foi presidenta de publicidá y asociaciones de NBCUniversal, direutora executiva de X ente 2023 y 2025 y, dende 2025, direutora executiva de la empresa de salú dixital eMed Population Health.«Former X CEO Yaccarino takes helm at digital health company eMed». Reuters, 5 d'agostu de 2025.
Biografía Yaccarino estudió Telecomunicaciones na Universidá Estatal de Pensilvania. Desenvolvió bona parte de la so carrera na industria televisiva y publicitaria. Trabayó cerca de dos décades en Turner Entertainment y en 2011 incorporóse a NBCUniversal.
Na compañía dirixó les actividaes de venta publicitaria y asociaciones comerciales. Participó na integración de los inventarios publicitarios de televisión y servicios dixitales y tuvo un papel destacáu nel desarrollu del serviciu de streaming Peacock. Tamién foi presidenta del Ad Council ente 2021 y 2022.
En mayu de 2023 Elon Musk anunció'l so nomamientu como direutora executiva de Twitter, que poco depués adoptó'l nome de X. El so mandatu tuvo especialmente centráu na captación d'anunciantes y nel desarrollu de nueves fontes d'ingresos nun periodu marcáu por conflictos ente la plataforma y distintes empreses publicitaries.«Musk-owned X's CEO Yaccarino to step down in surprise move». Reuters, 9 de xunetu de 2025.
Yaccarino anunció la so dimisión de X en xunetu de 2025, dos años depués d'asumir el cargu. Un mes más tarde foi nomada direutora executiva d'eMed Population Health, empresa especializada en diagnósticu domiciliariu, atención médica virtual y programes dixitales rellacionaos cola obesidá y la diabetes de tipu 2.«Digital health company eMed taps former X boss Linda Yaccarino as CEO». Reuters, 5 d'agostu de 2025.
Referencies
Enllaces esternos
Categoría:Empresarios y empresaries d'Estaos Xuníos Categoría:Executivos de medios de comunicación Categoría:Twitter Categoría:Nacíos en 1963 Categoría:Nacíos en Long Island