Kayleigh Rose Amstutz , conocida artísticamente como Chappell Roan, ye una cantante y compositora d'Estaos Xuníos de pop. Consiguió una amplia difusión internacional col álbum The Rise and Fall of a Midwest Princess (2023) y el sencillu «Good Luck, Babe!» (2024). En 2025 ganó'l Premiu Grammy al meyor artista nuevu.«Chappell Roan Wins Best New Artist». Grammy.com, 3 de febreru de 2025.
Biografía Roan crióse en Misuri y empezó a publicar interpretaciones musicales n'Internet mientres yera adolescente. En 2015 firmó un contratu con Atlantic Records y adoptó'l nome artísticu Chappell Roan. Nos años siguientes publicó dellos sencillos y l'EP School Nights (2017), pero la discográfica rescindió'l contratu en 2020.«2025 Grammys Nominations: Best New Artist Nominees». Grammy.com.
Depués d'un periodu como artista independiente empezó a trabayar regularmente col productor Daniel Nigro. Ente los primeros resultaos d'esta colaboración tuvieron los sencillos «Pink Pony Club» y «Naked in Manhattan», nos que foi perfilando una propuesta inspirada nel synth-pop, el glam y la cultura drag.
En setiembre de 2023 publicó'l so primer álbum d'estudiu, The Rise and Fall of a Midwest Princess. L'álbum tuvo inicialmente un rendimientu comercial moderáu, pero la popularidá de Roan aumentó con rapidez en 2024 tres les sos actuaciones en festivales y l'éxitu de «Good Luck, Babe!». Canciones anteriores como «Pink Pony Club» y «HOT TO GO!» entraron posteriormente nes llistes d'éxitos.
Na edición de 2025 de los Grammy recibió nominaciones a álbum, grabación y canción del añu, ente otres categoríes, y ganó'l premiu al meyor artista nuevu.«Chappell Roan». Grammy.com. El sencillu «The Subway», publicáu en 2025, consiguió dos nominaciones adicionales nos Grammy de 2026.
Discografía Álbumes d'estudiu The Rise and Fall of a Midwest Princess (2023)
EP School Nights (2017)
Referencies
Enllaces esternos
Web oficial
Categoría:Cantantes d'Estaos Xuníos Categoría:Compositores d'Estaos Xuníos Categoría:Cantantes de pop Categoría:Ganadores del Premiu Grammy Categoría:Nacíos en 1998 Categoría:Nacíos en Misuri