Rumman Chowdhury ye una científica de datos y científica social d'Estaos Xuníos especializada n'intelixencia artificial responsable, gobernanza algorítmica y auditoría de sistemes automatizaos. Ye fundadora de Humane Intelligence y foi responsable d'ética, tresparencia y responsabilidá del aprendizaxe automáticu en Twitter.«Dr. Rumman Chowdhury». Oxford Internet Institute.
Biografía Chowdhury estudió nel Institutu de Teunoloxía de Massachusetts, onde consiguió dos titulaciones universitaries, y completó un máster en métodos cuantitativos de les ciencies sociales na Universidá de Columbia. Doctoróse posteriormente en Ciencia Política na Universidá de California en San Diego.«Dr. Rumman Chowdhury». Unión Internacional de Telecomunicaciones.
Na so carrera profesional especializóse na interseición ente ciencia de datos, ética y política pública. En Accenture foi responsable global d'intelixencia artificial responsable, onde desarrolló metodoloxíes pa evaluar sesgos y riesgos de sistemes automatizaos. Posteriormente creó Parity, iniciativa dedicada a facilitar auditoríes algorítmiques.
En 2021 incorporóse a Twitter como direutora del equipu Machine Learning Ethics, Transparency and Accountability (META). El grupu investigaba'l funcionamientu de los algoritmos de la plataforma y los sos posibles efeutos discriminatorios. Chowdhury dexó la compañía tres l'adquisición de Twitter por Elon Musk en 2022.
En 2022 cofundó Humane Intelligence, organización dedicada a evaluaciones colectives de modelos d'IA, exercicios de red teaming y programas de detección de sesgos. Más tarde creó una empresa d'interés públicu col mesmu nome y pasó a actuar como asesora de la organización ensin ánimu de lucru.«Bringing our strategy forward». Humane Intelligence, 2025. Tamién foi designada enviada científica d'Estaos Xuníos pa intelixencia artificial.
Referencies
Enllaces esternos Web oficial Humane Intelligence
Categoría:Informáticos ya informátiques d'Estaos Xuníos Categoría:Investigadores d'intelixencia artificial Categoría:Alumnos del Institutu de Teunoloxía de Massachusetts Categoría:Trabayadores de Twitter