AeroPress ye una cafetera manual inventada pol inxenieru d'Estaos Xuníos Alan Adler en 2005. El dispositivu prepara café mediante la inmersión del café molío n'agua y la posterior presión d'un émbolu que fai pasar la bebida al traviés d'un filtru.

La AeroPress ta formada principalmente por un cilindru, un émbolu y una pieza destinada a suxetar un filtru de papel o metal. El funcionamientu combina carauterístiques de la cafetera de pistón y de los métodos de preparación por filtráu.

Adler, que anteriormente inventara'l discu volador Aerobie, desenvolvió la cafetera buscando preparar una sola taza con un tiempu d'infusión curtiu. La primer versión comercializóse en 2005.

El productu dio llugar a distintes téuniques de preparación, incluyendo'l denomináu métodu invertíu. Dende 2008 celébrase'l World AeroPress Championship, competición internacional dedicada a preparar café con esti dispositivu.

Referencies

Enllaces esternos Sitio web oficial

Categoría:Cafeteres Categoría:Preparación del café Categoría:Productos introducíos en 2005