Alexander Caedmon Karp , conocíu como Alex Karp, ye un empresariu d'Estaos Xuníos, cofundador y direutor executivu de Palantir Technologies, empresa especializada nel análisis de grandes cantidaes de datos y nel desenvolvimientu de software pa organizaciones públiques y privaes.«Leadership», Palantir Technologies.
Karp graduóse nel Haverford College en 1989 y consiguió'l títulu de Juris Doctor na Universidá Stanford en 1992. Posteriormente estudió na Universidá Goethe de Frankfurt, onde completó un doctoráu en teoría social. Mientres la so etapa en Stanford conoció al empresariu Peter Thiel.«Alexander Karp», Forbes.
Antes de crear Palantir, Karp trabayó nel campu de les inversiones y fundó Caedmon Group, una firma de xestión de capital. En 2003 participó na fundación de Palantir Technologies xunto con Peter Thiel, Stephen Cohen, Joe Lonsdale y Nathan Gettings, y convirtióse nel direutor executivu de la compañía.
Palantir desenvolvió plataformes d'análisis de datos utilizaes por empreses, organismos gubernamentales, servicios d'intelixencia y fuerces armaes. La espansión de la compañía, especialmente nel campu de la intelixencia artificial y les aplicaciones militares y de seguridá, convirtió a Karp nuna figura destacada y controvertida de la industria tecnológica.
Referencies
Enllaces esternos
Categoría:Persones nacíes en 1967 Categoría:Nacíos en Nueva York Categoría:Empresarios y empresaries d'Estaos Xuníos Categoría:Persones rellacionaes cola intelixencia artificial Categoría:Alumnáu de la Universidá Stanford