L'oxíxenu líquido (LOX, del inglés liquid oxygen) ye l'estáu líquidu del oxíxenu. A presión atmosférica, l'oxíxenu pasa a estáu líquidu a temperatures inferiores aproximadamente a -183 °C (90 K), polo que se considera un líquidu crioxénico. Presenta un color azul claro y ye fuertemente paramagnéticu.
L'oxíxenu líquido nun ye un combustible, sinón un oxidante. Esta propiedá permite que materiales combustibles reaccionen con gran rapidez na so presencia, polo que la so manipulación precisa controles estrictos de seguridá. Emplégase industrialmente na producción d'aceru, en procesos químicos, en medicina tres la so gasificación y como fonte concentrada d'oxíxenu.
Una de les sos aplicaciones más importantes ye la propulsión espacial. El LOX úsase como oxidante combináu con combustibles como'l hidróxenu líquido, el querosenu o'l metanu. La combinación d'oxíxenu y hidróxenu líquidos proporciona un impulsu específicu eleváu y emplégase, ente otros, nos motores Vulcain 2.1 y Vinci del Ariane 6.The engines of Ariane 6, Axencia Espacial Europea.
El caltenimientu del oxíxenu en forma líquida precisa depósitos con aislamientu térmicu capaces de soportar temperatures crioxéniques. El calor procedente del ambiente provoca una evaporación gradual del líquidu, polo que los sistemes d'almacenamientu tienen que controlar la presión y permitir la salida segura del gas cuando seya necesario.
Ver tamién Oxíxenu Hidróxenu líquido Crioxenia Propelente de cohete Oxidante
Referencies
Enllaces esternos
Categoría:Oxíxenu Categoría:Crioxenia Categoría:Propelentes de cohetes