BD+40 4210 ye una estrella superxigante azul na constelación del Cisne.
Carauterístiques
Ésti astru, bien robrizu y de rellumu atenuáu debíu al polvu interestelar asitiáu nel mediu interestelar de nuesa galaxa foi relativamente pocu estudiáu hasta apocayá, cuándo se pudo comprobar que ye unu de los miembros más brillosos de l'asociación estelar Cygnus OB2, con una magnitú absoluta de -7,66 y una lluminosidá total 630.000 vegaes superior a la del Sol, lo que la asitia ente les estrelles más lluminoses conocíes.
El so allugamientu nel Diagrama Hertzsprung-Russell, asina cómo peculiaridaes de la so espectru, suxeren que pue ser una variable lluminosa azul. Ello ye que tópase mui cerca en proyeición (a apenes 4,8 parsecs) d'otra estrella candidata a ser ési tipu d'astru, G79.29+0.46, que ta arrodiada d'una nebulosa de forma anular abondo conspicua; sicasí, BD+40 4210 nun amuesa signu dalgunu de tar arrodiada por nebulosidad dalguna.
Referencies
Categoría:Estrelles Categoría:Superxigantes azules Categoría:Variables lluminoses azules Categoría:Constelación de Cygnus