Delta Coronae Borealis (δ CrB / 10 Coronae Borealis / HD 141714)V* del CrB -- Variable of RS CVn type (SIMBAD) ye una estrella na constelación de Corona Boreal. De magnitú aparente +4,60, ta asitiada a 165 años lluz del Sistema Solar.
Delta Coronae Borealis ye una xigante mariella de tipu espectral G3.5III y 5150 K de temperatura. 36 vegaes más lluminosa que'l Sol y con un diámetru 7,6 vegaes más grande que'l diámetru solar, apaez tamién clasificada como una estrella xigante-subxigante. Alcuéntrase nun estáu evolutivu infrecuente, travesando la llamada «Llaguna de Hertzsprung», esfreciéndose mientres la so lluminosidá permanez práuticamente constante. Darréu va empecipiar la so verdadera espansión pa convertise nuna auténtica xigante.
Delta Coronae Borealis ye conocida por tener una actividá magnética similar a la del Sol. El so rellumu varia unes centésimes de magnitú nun ciclu de 59 díes, probablemente por cuenta de la presencia de manches estelares qu'entren y salen del campu de visión a midida que xira la estrella. Coles mesmes, Delta Coronae Borealis ye una fonte importante de rayos X, implicando una cromosfera activa y caliente; asina, el so corona estelar paez tener una temperatura cercano a los 7 millones K, muncho más alzada que la de la corona solar, de 2 millones K.Delta Coronae Borealis (Stars, Jim Kaler)
Referencies
Categoría:Estrelles Categoría:Estrelles variables Categoría:Variables RS Canum Venaticorum Categoría:Constelación de Corona Borealis