Épsilon Tucanae (ε Tuc / HD 224686 / HR 9076)Epsilon Tucanae - Star (SIMBAD) ye una estrella na constelación austral de Tucana. Con magnitú aparente +4,49, ye la sesta estrella en rellumu dientro de la so constelación, siendo superada por α, γ, ζ, κ y β1 Tucanae. Alcuéntrase a 374 años lluz de distancia del Sistema Solar.
Épsilon Tucanae ye una subxigante blancu-azulada de tipu espectral B9IV —tamién clasificada como B8V— que la so temperatura efectivo ye de 12.800 - 13.000 K. Les sos carauterístiques físiques son comparables a les de Zubeneschamali (β Librae), Homam (ζ Pegasi) o Sualocin A (α Delphini), más brilloses por tar más cerca de la Tierra. Con un diámetru tres veces más grande que'l del Sol, la so lluminosidá equival a 389 soles. Portando una masa de 4 mases solares, la so edá envalórase en namái 123 millones d'años —compárese cola edá del Sol que ye de 4600 millones d'años—.
La velocidá de rotación de Épsilon Tucanae ye de 300 km/s, valor 150 vegaes superior al del Sol; esta cifra nun queda lloñe de la so velocidá ecuatorial crítica —380 km/s—, percima de la cual la estrella se desintegraría. Piénsase que l'enclín del so exa de rotación al respective de la llinia de visión ye de 76,1º.
Referencies
Categoría:Estrelles Categoría:Subxigantes Categoría:Constelación de Tucana