Gamma Serpentis (γ Ser / 41 Serpentis / HD 142860)Gamma Serpentis (SIMBAD) ye la octava estrella más brillosa de la constelación de Serpens, magar llevar la denominación de Bayer Gamma, tercer lletra del alfabetu griegu. Asitiada en Serpens Caput —la cabeza de la culiebra—, recibe'l nome tradicional de Ainalhai, del árabe عين الحية ayn al-ħayya[h], «[el] güeyu de la culiebra».
Asitiada a namái 36 años lluz del Sistema Solar, Gamma Serpentis ye una nana mariella de tipu espectral F6V y 6280 K de temperatura, similar a Tabit (π³ Orionis) y tamién, anque en menor midida, al Sol. La so magnitú aparente ye +3,85 con una lluminosidá 2,9 vegaes mayor que la lluminosidá solar. Ye daqué mayor que'l Sol tocantes a diámetru —un 40% más grande— y masa —un 25% mayor que la masa solar—.Gamma Serpentis (Jim Kaler, Stars)
La so velocidá de rotación de siquier 8 km/s ye bien cimera a la del Sol; ente que Gamma Serpentis tien un periodu de rotación de menos de 9 díes, la nuesa estrella emplega 25,05 díes pa dar una vuelta completa nel ecuador. Con una metalicidá equivalente a 2/3 partes de la solar, nun hai evidencia de que Gamma Serpentis tenga un discu circumestelar de polvu que pudiera indicar la presencia d'un sistema planetariu. Sicasí, Gamma Serpentis alcuéntrase ente los oxetivos escoyíos pol Terrestrial Planet Finder (TPF) pa la busca de planetes terrestres que puedan allugar vida.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes marielles Categoría:Constelación de Serpens