HD 3823LHS 1123 -- High proper-motion Star (SIMBAD) ye una estrella de magnitú aparente +5,88. Ta encuadrada na constelación de Tucana, el tucán, visualmente 2º al sur de η Phoenicis. Alcuéntrase a 81 años lluz del Sistema Solar.
Anque HD 3823 apaez catalogada como una nana mariella de tipu espectral G0V, la so elevada lluminosidá —2,3 vegaes superior a la del Sol— ye más consistente con un estatus de subxigante. Tien una temperatura superficial de 5948 - 6022 K y el so diámetru ye significativamente más grande que'l diámetru solar, alredor de un 44% mayor. La so velocidá de rotación proyeutada —llende inferior de la mesma— ye de 2,3 km/s. Con una masa apenes un 1% mayor que la del Sol, ye una estrella antigua con una edá envalorada ente 7200 y 8000 millones d'años. La so órbita galáctica, considerablemente escéntrica (y = 0,30), determina que la so distancia respeutu al centru de la galaxa varie ente 5,77 y 10,69 kilopársecs.
HD 3823 presenta un índiz de metalicidá notablemente inferior a la solar ([Fe/H] = -0,30). Los niveles de tolos elementos evaluaos son menores que na nuesa estrella, destacando'l aluminiu, que la so bayura relativa equival al 40% de la del Sol ([Al/H] = -0,40). Tocantes a los elementos llixeros, amuesa un conteníu de litiu cimeru a la solar (logє[Li] = 2,41), ente que el de beriliu ye comparable al de la nuesa estrella.
Referencies
Categoría:Estrelles Categoría:Nanes marielles Categoría:Constelación de Tucana