HR Pegasi (HR Peg / HD 216672 / HR 8714 / HIP 113131)HR Peg - S Star (SIMBAD) ye una estrella variable na constelación de Pegasu de magnitú aparente media +6,47. Alcuéntrase a daqué menos de 1000 años lluz del Sistema Solar.
HR Pegasi ye una fría xigante de tipu espectral S con una temperatura efectivo de 3500 K. La midida del so diámetru angular, 3,88 milisegundos d'arcu, conduz a un radiu 125 vegaes más grande que'l radiu solar. Tien una metalicidá inferior a la del Sol, siendo la so bayura relativa de fierro un 60% de la esistente na nuesa estrella. Con una magnitú bolométrica absoluta de -4,75, la so lluminosidá ye 6800 ~ vegaes superior a la lluminosidá solar. Nel so espectru detectóse la presencia de tecneciu, elementu del procesu-s de curtia vida producíu por nucleosíntesis estelar.
HR Pegasi ye una variable pulsante semirregular SRB; éstes son xigantes con una periodicidá pocu definida, pero a les que se-y puede asignar un periodu mediu. Pa HR Pegasi paez esistir un llargu periodu de 641 díes en banda B, R y I, con una duración entá mayor en banda V. Tamién ta presente un segundu periodu de menor amplitú que la so duración ye de 54,4 ± 0,4 díes.
Ver tamién Llista d'estrelles variables
Referencies
Categoría:Estrelles Categoría:Estrelles de tipu S Categoría:Estrelles variables Categoría:Variables semirregulares Categoría:Constelación de Pegasu