IX Carinae (IX Car)IX Car - Pulsating Variable Star (SIMBAD) ye una estrella variable na constelación de Carina, la quilla del Navío Argos. De magnitú aparente media +7,45, ye una estrella alloñada que s'atopa a una distancia envalorada de 1640 pársecs (5330 años lluz). Al igual que RT Carinae, ye miembru del cúmulu estelar Carinae OB1.
IX Carinae ye una superxigante colorada de tipu espectral M2I con una temperatura efectivo de 3650 K. Tien un radiu 920 vegaes más grande que'l del Sol, lo qu'equival a 4,2 UA; si tuviera nel centru del nuesu Sistema Solar, la so superficie estenderíase casi hasta la órbita de Xúpiter. Nel espectru visible la so lluminosidá ye 35.000 vegaes superior a la del Sol pero la so lluminosidá bolométrica —considerando toles llonxitúes d'onda— algama les cifra de 133.000 vegaes la lluminosidá solar. Pierde masa en forma de polvu a razón de 2,0 × 10-9 mases solares per añu.
Catalogada como una variable semirregular SRC —que'l so prototipu ye la brillosa μ Cephei—, el rellumu d'IX Carinae fluctúa ente magnitú +7,2 y +8,5. Conócense dos periodos d'oscilación, unu principal de 408 ± 50 díes, y otru, más llargu ya imprecisu, de 4400 ± 2000 díes.
Ver tamién Llista d'estrelles variables Llista d'estrelles más grandes conocíes
Referencies
Categoría:Estrelles Categoría:Superxigantes coloraes Categoría:Estrelles variables Categoría:Variables semirregulares Categoría:Constelación de Carina