Cystoderma amianthinum ye un fungu basidiomicetu del orde Agaricales. qu'habita en monte de coníferes y en praos musgosos. L'epítetu específicu, en llatín, amianthinum significa "ensin manches". Nun ye tóxica, pero tampoco considérase-y comestible. Nel xéneru Cystoderma esisten delles especies asemeyaes, toes elles con distintes tonalidaes de mariellu ocre.
Descripción El cuerpu granible d'esti fungu presenta un sombreru pequeñu, d'ente 2 y 5 centímetros de diámetru, cónicu de primeres, y mamelonáu más tarde. La cutícula del sombrerucu ye de color mariellu ocre, daqué más escuru nel centru, y ta cubiertu de diminutes protuberancies. Presenta un cantu llixeramente endolcáu y ta cubiertu con restos del velu. Les llámines son adnates, de color blancu o crema, y con numberoses laminuques de menor tamañu. El pie ye del mesmu color que'l sombreru, tien un altor d'hasta 6 centímetros y ye finu, que confier a la cogorda un aspeutu fráxil. La esporada ye blanca, y la so carne ye amarellentada, con un golor desagradable a tierra.
Referencies
Enllaces esternos
Categoría:Agaricaceae
Categoría:TBSpecies