Cystoderma carcharias, tamién conocida comúnmente como cistoderma denticulada, ye un fungu basidiomicetu del orde Agaricales. qu'habita en montes de coníferes —especialmente en montes d'abetos— d'Asia, Australia, Europe y América del Norte. Ye bien rara en montes de frondosas y nun subsiste en suelos caliares. El cuerpu granible apruz na seronda. El so sabor y golor nun son prestosos, polo que nun sela considera comestible.
Descripción La cogorda, o cuerpu granible, d'esti fungu presenta un sombreru pequeñu, d'ente 2 y 6 centímetros de diámetru, campanuláu de primeres, y convexu mamelonáu más tarde, col cantu más irregular conforme la cogorda madura. Ye de color claru amarellentáu y presenta una testura granosa fina. Les llámines son adnates —xuntaes al pie—, de color blancu, non bien apertaes, con numberoses laminuques de menor tamañu y col tiempu tomen un color blancu amarellentáu. El pie ye del mesmu color que'l sombreru, tien un altor d'hasta 7 centímetros y unos 8 centímetros de diámetru. Tien un aniellu con forma d'embudu blancu pola cara cimera y gris pola inferior. Per debaxo del aniellu la testura del pie ye escamosa, siendo llisa dende l'aniellu hasta onde se xune col sombreru. La esporada ye blanca, y la so carne ye clara, con un golor y sabor desagradable.
Referencies
Enllaces esternos
Categoría:Agaricaceae
Categoría:TBSpecies