Chlorophyllum rhacodes, tamién conocida col nome común de apagador menor, ye una especie de fungu basidiomicetu de la familia Agaricaceae, qu'habita tanto en montes de coníferes como de frondosas. El cuerpu granible apruz pel branu y seronda. La cogorda d'esti fungu ye comestible, cocinada. L'epítetu específicu rhacodes significa "aspeutu andrajoso".
Descripción La cogorda, o cuerpu granible, d'esti fungu presenta un sombreru que puede algamar los 15 centímetros de diámetru, y ye de color claru y cubiertu d'escames fibroses abuxaes, bien carauterístiques nesta especie. N'exemplares nuevos, el sombreru tien forma cuasi esférica, dando a la cogorda un aspeutu de maza; más tarde el sombreru estiéndese, alquiriendo una forma esplanada. Anque caltién un mamelón central, de cutiu nun ye apreciable poles numberoses escama. Les llámines son llibres y apertaes, de color blancu de primeres, y daqué más parduces a la vieyera y más escures entá nel cantu. El pie ye llisu y de color claru, escureciéndose n'exemplares vieyos. Tien un altor d'hasta 15 centímetros y ye más anchu na base, formando un bulbu na zona de contautu col sustratu. Tien aniellu, blancu, de cutiu sueltu y bono de mover. La esporada ye blanca. La so carne ye blanca, blanda y de sabor y golor prestosu, y tiñir de color amarellentáu pocu tiempu dempués de ser cortada.
Referencies
Ver tamién Recoyida de fungos
Enllaces esternos
Categoría:Agaricaceae Categoría:Fungos comestibles
Categoría:TBSpecies