El ye un fungu basidiomicetu comestible, de la familia Hygrophoraceae. qu'habita en montes mistos. Ye un fungu tempranu, que la so cogorda apruz a la fin de la primavera, xusto dempués del destemple, magar que ye dable atopala pel hibiernu cuando ésti ye nidiu. Ta considerada un escelente comestible. El basónimu d'esta especie ye Agaricus marzuolus Fr. 1821,
Descripción El cuerpu fructíferu d'esti fungu presenta un sombreru d'unos 10 centímetros de diámetru, de forma irregular bulbosu y gruesu, que se curva enforma escontra riba cuando la cogorda madura. N'exemplares bien nuevos ye blancu pero según madura vuélvese dafechu buxu y coritu. Les llámines tán bastante espaciadaes, son grueses, ceroses y llixeramente decurrentes. El pie mide ente 4 y 8 centímetros de diámetru y de 1,2 a 3 centímetros de llargor, blancu de primeres y buxu cuando la cogorda madura. Ye macizu y gordosu. La so carne ye buxa so la cutícula del sombrerucu y blanca nel restu de la cogorda, con un golor poco patente. La esporada ye blanca.
Comestibilidá
Ye un bon comestible de testura suave, carne sabroso y poco viscoso. Pue facese en revueltos, ya tamién xintalu en crudo. Suelta abonda agua.https://www.fichasmicologicas.com/?micos=1&alf=H&art=216
Posibilidaes de tracamundiu La so cogorda ye bien asemeyada a la de Hygrophorus camarophyllus, que'l so cuerpu granible apaez na seronda, que tamién ye comestible.
Imáxenes
Referencies
Enllaces esternos
Modelu en 3D del Hygrophorus marzuolus
marzuolus
Categoría:TBSpecies