Un sprachbund ('unión d'idiomes' n'alemán, pronunciáu AFI: [], pl. sprachbünde []) defínese como un grupu d'idiomes qu'adquirieron delles semeyances nos sos sistemes gramaticales o fonéticos por causa de la proximidá xeográfica. La noción de sprachbund foi propuesta per vegada primera pol llingüista rusu Nikolái Trubetskói nel so artículu La Torre de Babel y la mezcolanza de llingües («Вавилонская башня и смешение языков») en 1923.
Igualmente úsase'l términu área [de converxencia] llingüística pa designar a la zona xeográfica onde se produció un desenvolvimientu converxente de llingües pertenecientes a distintes families, y que por tanto puede argumentase formen un sprachbund.
Los idiomes que formen parte d'un sprachbund pueden tar o non rellacionaos xenéticamente o tener rellaciones bien distantes. Ye importante señalar que'l términu sprachbund nun s'aplica si toles llingües tán emparentaes, y que les sos similaridades pueden esplicase en términos de retención de carauterístiques heredaes de la protollingua de la que toes deriven. Por eso a la de decidir si ciertu grupu de llingües constitúi un sprachbund, ye importante conocer si esiste ente elles rellación xenética.
Exemplos d'árees llingüístiques Exemplos d'árees llingüístiques o sprachbünde son: Área llingüística balcánica Área llingüística mesoamericana Área llingüística amazónica Área llingüística andina
Una llista más amplia de les árees xeográfiques comúnmente aceptaes y bien documentaes ye la siguiente:Heine y Nurse, 2007, páxs. 15-16 Los Balcanes (Europa) Etiopía (África) Mesoamérica (América) Noroeste del Pacíficu (América del Norte) Cuenca del Vaupés (Amazonia) Sureste asiáticu (Asia) Tierra de Arnhem oriental (Australia) Ríu Daly (Australia)
Referencies
Bibliografía B. Heine y D. Nurse (2007): A Linguistic Geography of Africa, Cambridge University Press, ISBN 978-0-521-87611-7.
Categoría:Árees llingüístiques Categoría:Llingüística histórica Categoría:Sociollingüística Categoría:Pallabres y frases n'alemán