Sahara Force India Formula One Team, tamién conocida como Force India, ye una escudería hindú de Fórmula 1 creada n'ochobre de 2007, surdida arriendes de la compra de Spyker F1 per parte del consorciu formáu pol empresariu de la India Vijay Mallya y pol holandés Michiel Mol, pagando 88 millones d'euros p'adquirir la metá de les aiciones del equipu. Participa nel Mundial de Fórmula 1 dende 2008. En ochobre de 2011, la compañía India Sahara India Pariwar adquirió'l 42,5% de les aiciones de Force India F1 por 100 millones de $.
Sahara Force India F1 Team representa la medría de participación d'India na Fórmula 1 xunto col Circuitu Internacional de Buddh, qu'allugó'l primera Gran Premiu de la India en 2011, los pilotos Karun Chandhok y Narain Karthikeyan, y el Sahara India Pariwar Group.
Historia Temporada 2008: añu de deprendimientu
right|thumb|200px|Adrian Sutil nel GP de Canadá.
Dellos pilotos como l'español Roldán Rodríguez, Christian Klien, Franck Montagny, Ralf Schumacher y Vitantonio Liuzzi participaron tamién en pruebes col equipu, siendo'l postreru'l que consiguiera'l puestu de pilotu probador. Los pilotos titulares na temporada 2008 fueron Adrian Sutil y Giancarlo Fisichella.
En 2008, empiecen la temporada col xasis del Spyker del añu anterior con dellos cambeos, que ye llamáu Force India VJM01; y cunten col motor Ferrari, como'l Spyker de 2007. El coche foi presentáu'l 7 de febreru en Bombay.
Empiecen la temporada con dos abandonos nel Gran Premiu d'Australia. Na siguiente carrera, celebrada en Malasia, Giancarlo Fisichella consigue acabar en docena posición, ente que Sutil abandona de nuevu. Nes primeres clasificaciones, el coche amuesa un nivel más aceptable que'l de Spyker, raspiando la Q2.
Nel Gran Premiu de Mónacu, Sutil realizó la carrera de la so vida, llegando al 4ᵘ puestu a 10 minutos del final de la carrera, cuando foi truñáu por Kimi Räikkönen, arruinando lo que fuera un resultáu histórica tantu pal pilotu como pal equipu. Igualmente, l'alemán foi reconocíu pol so gran carrera realizada.
A pesar d'un empiezu esperanzador, l'equipu siguía siendo'l "farolucu coloráu" de la parrilla, y a media temporada concentró los sos esfuercios nel .
Nel Gran Premiu de Singapur, Fisichella coló nel 3ᵘ puestu dende la vuelta 19 hasta la vuelta 27, na que'l pilotu de Williams Nico Rosberg pasó por boxes pa cumplir una penalización. A partir d'ellí, l'italianu pasó a tar segundu, detrás del pilotu de Toyota Jarno Trulli; pero na vuelta 29, Fisichella fixo la so única parada y perdió la so 2ᵘ puestu. Al rematar la carrera, l'italianu llegó'l 14º.
El so meyor resultáu final na so primer temporada () foi'l 10º de Fisichella n'España. En clasificación, el mesmu pilotu italianu consiguió un 12º en Monza. L'equipu Force India nun llogró puntuar nel so añu de debú, pero tuvo cerca de consiguilo.
Temporada 2009: lleguen los primeros frutos
right|thumb|200px|Adrian Sutil conduciendo'l Force India mientres el GP d'Alemaña. A pesar de que Force India nun puntuó en 2008, l'equipu llogró una pervalible esperiencia y una mira real de meyora. Vijay Mallya afirmó tar contentu colos sos actuales pilotos, colos que siguió en 2009. De cara a anguaño, Force India pretendía dar un saltu calidable y por ello despidió a Colin Kolles y Mike Gascoyne (que la so vacante ocuparon James Key, Mark Smith y Robert Fernley) y nun anovó'l so contratu con Ferrari, yá que llegó a un alcuerdu pa usar motores Mercedes-Benz y KERS y caxa de cambeos de McLaren a partir de la temporada 2009.
En , l'equipu ameyoró les sos prestaciones y tuvo a puntu de llograr los sos primeros puntos delles vegaes (como en China, Mónacu o Alemaña, onde s'escaparon por dellos factores: accidentes, toques con rivales, etc.). Finalmente, nel Gran Premiu de Bélxica de 2009, Giancarlo Fisichella fizo historia al logar la primera pole position na historia de Force India y sumando na carrera los primeros puntos pal equipu, siendo segundu y lluchando pola victoria hasta'l final. El día 3 de setiembre de 2009 confirmóse la marcha de Giancarlo Fisichella a la Scuderia Ferrari como sustitutu de Luca Badoer hasta'l final de temporada 2009. Vitantonio Liuzzi, hasta entós probador del equipu indiu, ocupó'l monoplaza nº21 de Giancarlo Fisichella hasta'l final de la temporada. Adrian Sutil consiguió'l restu de puntos de la temporada pa Force India con un 4ᵘ puestu en Monza, dexando a la escudería 9ª en constructores con 13 puntos.
Temporada 2010: afitamientu como escudería de media tabla
left|thumb|200px|Vitantonio Liuzzi nel GP de Canadá. Empezaron una pretemporada esperanzadora, tres les grandes resultaos del equipu a la fin de la temporada . Efeutivamente, na primer carrera, Adrian Sutil llogra pasar a la Q3 clasificándose 10º, ente que Vitantonio Liuzzi consigui ser 12º. En carrera, Sutil tien problemes y pierde puestos, pero sicasí, Liuzzi fai una gran carrera y acaba en novena posición. N'Australia, ameyoren y Liuzzi llogra acabar 7º, pero Sutil tien qu'abandonar por problemes de motor. En Malasia siguen col ameyoramientu y Sutil acaba 5º, ente que Liuzzi tien problemes col acelerador y abandona. En China, Liuzzi causa un espaxaráu accidente na primer vuelta, qu'arreya a Sébastien Buemi y Kamui Kobayashi, y vese obligáu a abandonar. Sutil tien munchos problemes so l'agua y llega 11º a la meta. A partir d'ende, l'equipu indiu encadena una racha positiva de resultaos y acaba nos puntos nes 6 siguientes carreres de manera consecutiva de la mano de Sutil. Pero n'Hockenheim, los homes de Vijay Mallya esperimenten l'entamu d'un baxón nel so rendimientu que s'enllarga hasta'l final del añu y que se traduz na perda de la sesta posición -por un solu puntu- nel mundial en favor d'un Williams a l'alza na segunda metá del añu. Magar ello, l'equipu indiu completó la so meyor temporada na máxima categoría al rematar en séptimu llugar na clasificación de constructores, siguiendo cola so progresión.
Temporada 2011: ameyorando adulces
thumb|right|Paul di Resta al volante del VJM04. Nesta temporada, Force India quier siguir evolucionando y pallo ficha al vixente campeón del DTM Paul di Resta. El pilotu escocés protagoniza un empiezu de temporada espectacular, llogrando rematar décimu nos dos primeres carreres y batiendo en delles ocasiones a Adrian Sutil. El pilotu alemán, pela so parte, llogra puntuar n'Australia, siendo novenu, pero en Malasia ye oncenu. Un gran empiezu pa Force India, que cada vez escala más puestos y yá se llogra integrar nel grupu mediu de la parrilla, superando inclusive a Williams. En China, Di Resta parte dende una impresionante 8ª posición, ente que Sutil ye 11º. En carrera, Paul queda a les puertes de los puntos, con un oncenu llugar, y Adrian ye decimoquintu, nuna carrera más fluexa que'l so compañeru. Sicasí, nes siguientes carreres, la formación india sufre y baxa el so rendimientu. Sicasí, nel GP d'Alemaña, Adrian Sutil, na so casa, protagoniza una carrera escelente y remata nuna estelante sesta plaza, consiguiendo'l so meyor resultáu de la temporada, dempués de ser séptimu en Montecarlu. L'equipu indiu amosó'l meyor ritmu de toles escuderíes de nivel mediu y Adrian superó a los Mercedes GP. Otru gran llogru pa Force India llograr en Singapur, con un 6ᵘ puestu de Di Resta y un 8º de Sutil. Foi'l preludiu d'un desenvolvimientu del so coche que-yos fixo esguilar posiciones nel mundial na segunda metá del añu.
En ochobre de 2011, el consorciu Sahara India Pariwar de Subrata Roy Sahara adquier el 42,5% del equipu.
En Corea, Force India nun llogró tener un ritmu tan consistente y fueron superaos por Toro Rosso. Aun así, Di Resta llogró un puntu al rematar 10º, ente que Sutil quedó 11º. N'India, na so carrera de casa, volvieron ser batíos polos Toro Rosso; pero siquier Sutil llogró ser 9º, ente que Di Resta tuvo más problemes y nun pasó de la 13ª posición. Toro Rosso averábase-yos na clasificación, pero colos seis puntos llograos n'Abu Dhabi y los dolce na última carrera en Brasil, Force India llogró'l so oxetivu y remató 6º na clasificación final, ameyorando nun puntu tamién al respective de . Amás, quedar a namái 4 puntos de Lotus Renault, que foi'l 5º equipu. Fueron claramente de menos a más y la reaición valió-yos pa consiguir la so meyor posición nel mundial de constructores.
Temporada 2012: más punto pero peor puestu global
thumb|180px|left|Nico Hülkenberg pilotando la monoplaza nun test. Para 2012, Force India anuncia que Nico Hülkenberg va ser el nuevu compañeru de Paul di Resta. La escudería afincada en Silverstone pretendía lluchar pola quinta posición del mundial de constructores.
L'entamu de la temporada nun foi descomanadamente positivu pa Force India, yá que magar llograba puntuar, ello producía forma irregular; anque sí ameyoraba los arranques d'años precedentes. A partir del descansu veraniegu, Force India empieza una dinámica positiva al desenvolver tol so potencial, puntuando en cada carrera con posiciones más altes (dos cuartos puestos como meyores resultaos) y volviendo a la llucha pol sestu puestu del campeonatu d'equipos. Finalmente nun pudo consiguir dicha posición por cuenta de les bones resultaos de Sauber na primer parte del añu, pero aun así Force India demostró nuevamente la so solidez al ameyorar el botín de puntos del añu precedente y amosar un eleváu grau de fiabilidá.
Temporada 2013: de más a menos
thumb|right|Adrian Sutil nel GP de Malasia. El 1 de febreru, Force India desvela'l so nuevu VJM06 cola presencia d'un solu pilotu, Paul di Resta. Finalmente, tres una llarga espera, Adrian Sutil gana la partida a Jules Bianchi y faise col segundu volante.
A pesar de la incertidume, Force India sorprendió na primer carrera n'Australia al asitiar a los sos dos pilotos nos puntos (7º y 8º). Paecía que tamién llograríen una bon resultáu en Malasia, pero problemes nes tuerques nes paraes en boxes obligar a retirar dambos coches por seguridá.
El 28 de marzu, la escudería anunció la renovación del so contratu de suministru de motores con Mercedes-Benz.
Mientres Adrian Sutil sigue lastrado pola mala fortuna, Paul di Resta consigue unos puntos bien pervalibles en China y Baréin, al terminar eses carreres en 8º y 4º llugar respeutivamente, roblando asina'l meyor empiezu d'una temporada de la historia de la escudería anglo-india. En Mónacu, dambos pilotos consiguen acabar en zona de puntos, situación que se repite na centésima carrera de Force India, el GP de Canadá, y que sirve pa consolidar la quinta posición nel campeonatu. Tres otra bon resultáu en Silverstone, les coses empiecen a torcese a partir del GP d'Alemaña, con 2 carreres consecutives ensin puntuar, mientres McLaren recupera ritmu y arrampúña-yos el so 5ª posición nel mundial, coincidiendo col cambéu de compuestos Pirelli. Sicasí, dos bonos resultaos na India y n'Abu Dhabi consolidaron el 6º llugar nel campeonatu de constructores, ameyorando asina la so posición con respectu al magar llograr menos puntos qu'entós.
Temporada 2014: la revelación de la temporada
thumb|250px|Checo Pérez nel GP de Baréin de 2014 onde consigue'l segundu podiu na historia de Force India con un tercer llugar na carrera. El 3 d'avientu de 2013, Force India confirma'l regresu de Nico Hülkenberg como pilotu titular, roblando un contratu "multianual" a partir de . Nueve díes dempués, el 12 d'avientu, Vijay Mallya presenta a Sergio Pérez como segundu pilotu de la escudería. Daniel Juncadella foi confirmáu como piloto probador. L'equipu desveló una imaxe del so nuevu monoplaza, el VJM07, cola novedá del color negru na so decoración.
L'equipu empezó la temporada puntuando colos sos dos coches na primer carrera n'Australia. En Baréin, Pérez llogró'l segundu podiu de la historia de Force India, al terminar en 3ᵘ puestu. Nes siguientes 7 carreres, tanto Pérez como Hülkenberg van siguir entrando regularmente nos puntos, consolidando a la escudería india como la quinta nel campeonatu de constructores.